Kakɔna kata Bible?

Onde wɔladi wayoyala la nkɛtɛ lushi lɔmɔtshi?

Ngande wayoyokadimola?

• Eelo

• Ndooko

• Ondo

Kɛnɛ kata Bible

Lo ɛlɔmbwɛlɔ ka Yeso Kristo, “wɔladi wayofulanɛ polo ndo ngɔndɔ hayowalɛ nto,” mbuta ate pondjo pondjo.​—Osambo 72:7.

Naa awui akina wakokaso mbeka oma lo Bible?

• Akanga wa kɔlɔ wayonyɛma oma la nkɛtɛ, dia anto w’ɛlɔlɔ nkondja diaaso dia ‘ngɛnangɛna heyama la wɔladi w’efula.’​—Osambo 37:10, 11.

• Nzambi ayokomiya ata tshɛ.​—Osambo 46:8, 9.

Onde wɔladi wa mɛtɛ wa lo yimba koka monga nshi nyɛ?

Anto amɔtshi mbutaka . . . dia wɔladi wa mɛtɛ wa lo yimba hawokoke monga nɛ dia andja wambolola l’asui ndo wɛngiya. Naa kanyi yayɛ?

Kɛnɛ kata Bible

Kaanga nshi nyɛ, wanɛ wele suke suke la Nzambi koka nkondja, “wɔladi wa Nzambi woleki tokanyi tshɛ.”​—Filipɛ 4:6, 7.

Naa awui akina wakokaso mbeka oma lo Bible?

• Nzambi ndakaka dia minya asui ndo wɛngiya, lo mbetɛ “diangɔ tshɛ eyoyo.”​—Ɛnyɛlɔ 21:4, 5.

• Sho koka nkondja wɔladi wa l’etei k’otema lo kotshaka ‘ehomba aso wa lo nyuma.’​—Mateo 5:3.