Lokumu L’ɔlɔlɔ Lo Internet

Lo nshi yaso nyɛ ya ditshulatshula, anto amɔtshi nongolaka nsango lo yoho y’électronique, ɛnyɛlɔ oko lo Internet. Diɔ diakɔ diakadjɛ la Société wanɛ wakamba l’Internet awui w’eshika wendana la dietawɔ ndo olimu wasala Ɛmɛnyi wa Jehowa.

Adrɛsɛ wa dihole diaso Web lo Internet l’andja w’otondo v’ɔnɛ: http://www.watchtower.org. Lɔkɔ tanemaka tokatshikatshi, tobukubuku ndo asawo wa lo Tshoto y’Etangelo la Réveillez-vous ! l’Angɛlɛ, lo Falase, l’allemand, lo chinois (ya wɔdu), l’espagnol, lo russe ndo l’ɛtɛkɛta ekina nto. Ekanda watanema lo dihole sɔ ele wɛnɛ wamboshilaka koma lo tshumanelo ndo wambotokamba la wɔ l’olimu w’esambishelo. Ɔnkɔnɛ, oyango wa dihole diaso Web kema wa tondja diangɔ di’eyoyo, koko dia mbisha anto tshɛ diaaso dia vɔ mbadia ekanda aso lo yoho y’électronique (l’ɔrdinatɛrɛ). Kema ohomba dia sho funda lo dikambo diaso shamɛ l’Internet awui wa Ɛmɛnyi wa Jehowa, olimu wasalaso ndo dietawɔ diaso. Dihole diaso sɔ mbewoyaka awui w’eshika wakoka onto tshɛ lakamba l’Internet mbadia.

Eelo, dihole diaso sɔ kosalema dia nongolaka nsango lo yoho y’électronique (E-mail), koko diɔ mbishaka adrɛsɛ wa filialɛ ya l’andja w’otondo. Lâsɔ, anto kokaka funda l’adrɛsɛ ɔmɔtshi l’atei a wɛsɔ dia mbeya awui akina efula kana dia onto ndamɛ kondja ekimanyielo k’Ɛmɛnyi wa l’etenyi kawɔ ka ngelo. Tatengengake dia mbewoya onto adrɛsɛ wa l’Internet wofundami la diko ongo naka nde nangaka mbeya akambo wa mɛtɛ wa lo Bible lo yoho shɔ.