Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 11, 15

MBEWOYAKA DIOLELO DIAKI JEHOWA

“Lo nshi y’edjedja, efula wakafɔnyaka dia nkɛtɛ kayokoma paradiso lushi lɔmɔtshi. Ɛlɔ kɛnɛ, amɔtshi woyambola dia kana tɔ kayoka. Kanyi yakɔna yele layɛ lo dikambo dia kɛnɛ kayokomɛ nkɛtɛ nyɛ lo nshi yayaye? [Tshikande akadimole.] Enda kɛnɛ kata Bible lo dikambo sɔ. [Adia Osambu 37:11.] Periodikɛ kɛnɛ mɛnyaka nto kɛnɛ kakate Bible lo dikambo dia nkɛtɛ.”

Réveillez-vous! Ngɔ. ka 11, 22

“Anto amɔtshi ndjakiyanyaka dia woho wambolanyema ahole wadjasɛ anto halɔngɔswamaki nto pondjo. Onde wɛ fɔnyaka dia dikambo sɔ ndoko l’elongamelo? [Tshikande akadimole.] Otungi kosangoya dia nkɛtɛ koma dihole dia mindo diahakoke anto mbidjasɛ. [Adia Isaya 45:18.] Periodikɛ kɛnɛ nembetshiyaka woho wayokokamɛ nkɛtɛ.”

Tshoto y’Etangelo Ngɔ. ka 12, 1

MBEWOYAKA DIOLELO DIAKI JEHOWA

“Ɛlɔ kɛnɛ, anto amɔtshi kema la mbetawɔ le Nzambi. Ɔkɔkɔ ɔmɔtshi wa dikambo sɔ ele nɛ dia vɔ hawokoke tana ekadimwelo w’eshika lo wembola watshindja wɔɔngɔ ɛnɛ. [Sha ɛnyɛlɔ kɛmɔtshi oma lo kiombo ya lo lɛkɛ 6.] Tshoto y’Etangelo nyɛ nembetshiyaka dikambo dimɔtshi di’ohomba efula diayotokimanyiya dia monga la mbetawɔ k’oshika le Nzambi.” Adia Filipi 1:⁠9.

Réveillez-vous! Ngɔ. ka 12, 8

“Onde wɛ fɔnyaka di’anto wayɔngɛnangɛna lushi lɔmɔtshi l’akambo wele oko wanɛ wɔkɔndwami lanɛ? [Adia Isaya 14:⁠7. Oma lâso, tshikande akadimole.] Periodikɛ kɛnɛ ekɔ l’awui wa shikaa wakoka tokimanyiya lam’akongɛso ekotshamelo k’asangwelo waki Nzambi.” Tɔtɔmiya sawo diata ɔnɛ: “Ngande Wakokayɛ Shika Tanga la Ntondo ka Nsaki ya Kɔlɔ?”