Woho wa mbisha anto periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 11, 15

“Anto efula ndjambolaka lande na kele awui wɛnya anto pâ wekɔ lo tatetemala ntshɔ otsha lo kɔlɔ, koko aha otsha lo dimɛna. Ko onde wɛ ambokanaka yimba lo ɛkɔkɔ washa divɛsa nɛ? [Adia Enyelo 12:⁠9. Tshikande akadimole.] Periodikɛ kɛnɛ mɛnyaka tolonga takamba la Diabolo dia minganyiya anto ndo woho wakokaso shika tanga lo shɛngiya yande.”

Réveillez-vous! Ngɔ. ka 11, 22

“Kânga mbatondjama mbo ya ndɛ efula dia ndesha onto tshɛ la la nkɛtɛ, yɛdikɔ ya miliyɔ 800 y’anto wekɔ lo diɛnɛ la ndjala. Shi ɔsɔ ekɔ dui dia kandji? [Tshikande akadimole.] Periodikɛ kɛnɛ tɛkɛtaka dikambo dia okakatanu wa woke wendana la oleshelo w’anto wa lo esomba. Tɔ tɛkɛtaka nto dikambo dia daka dia lo Bible dia andja waha la ndjala.” Adia Osambu 72:16a.

Tshoto y’Etangelo Ngɔ. ka 12, 1

“Etena koka anto efula tshɛkɛta ‘Aramangɛdɔna,’ efula fɔnyaka dia ɔsɔ ayonga elanyelo ka wɔma efula ka nyemba y’anto. [Ɛnyande kiombo yele lo lɛkɛ 3.] Onde wɛ ayamba dia mbeya ɔnɛ Aramangɛdɔna ekɔ l’atei w’awui woleki amɛna wakoka tokomɛ? [Tshikande akadimole.] Periodikɛ kɛnɛ mɛnyaka lande na kataso ngasɔ.” Adia 2 Petero 3:⁠13.

Réveillez-vous! Ngɔ. ka 12, 8

“Dimi lakalongamɛka dia ndjosawola la yɛ lo dikambo dia etena kayonga onto tshɛ la dihole dia dimɛna dia mbidjasɛ. Shi ekɔ dui dia lonyangu lo woho wele anto efula kema l’ahole wa mbidjasɛ? [Tshikande akadimole. Oma lâsɔ, adia Isaya 65:​21, 22.] Periodikɛ kɛnɛ mɛnyaka ɛkɔkɔ wele anto efula kema l’ahole wa mbidjasɛ. Tɔ nembetshiyaka nto woho wayokotsha Nzambi daka diomaso la mbadia ndo.”