Woho wa mbisha anto periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 7, 15

“Lo ɛnɔnyi nunu w’ɔkɔndɔ w’anto, anto waya la waetawɔ weho la weho. Onde wɛ fɔnyaka dia sho kokaka mbeya wɛnɛ wele mɛtɛ ndo wɛnɛ wele kashi? [Tshikande akadimole.] Periodikɛ kɛnɛ mɛnyaka lɛnɛ akokayɛ mbishola wetshelo wa mɛtɛ wangɛnyangɛnya Nzambi.” Adia 2 Timote 3:⁠16.

Réveillez-vous! Ngɔ. ka 7, 22

“Ekɔ dui dia kandji efula dia mɛna asui waya oma lo mpokoso y’oma lo diangɔ diakatongama. [Shila mpokoso kɛmɔtshi keyama lo ɛtshi kanyu ka nkɛtɛ.] Onde wɛ fɔnyaka dia mpokoso shɔ yekɔ lo taleke fulanɛ? [Tshikande akadimole.] Periodikɛ kɛnɛ sɛdingolaka dimbola sɔ. Tɔ sambaka nto wanɛ wakavusha wakiwɔ wa ngandji lo mpokoso shɔ.” Adia Joani 5:​28, 29.

Tshoto y’Etangelo Ngɔ. ka 8, 1

“Anto efula ɛlɔ kɛnɛ ndɔshanaka la tokanyi ta ndjaɔsaka oko anto w’anyanya. Oko le yɛ, ngande wakokaso kimanyiya anto asɔ? [Tshikande akadimole.] Periodikɛ kɛnɛ mɛnyaka woho wakoka Bible kimanyiya anto asɔ dia vɔ kondja ɔngɛnɔngɛnɔ wa mɛtɛ.” Ka epole ɔsɛkɛ lo avɛsa wele la alɛta woleki edima wele lo sawo diata ɔnɛ: “Bible koka kokimanyiya dia kondja ɔngɛnɔngɛnɔ wa mɛtɛ.”

Réveillez-vous! Ngɔ. ka 8, 8

“Anto efula nsɛnaka lo wɔma tena tshɛ. Oko le yɛ, kakɔna kele lo kiɔkɔ ya dikambo sɔ? [Tshikande akadimole.] Periodikɛ kɛnɛ mbishaka alako w’ohomba efula wa woho wa ndjakokɛ shoamɛ oma lo wâle wakomɛ anto efula. Tɔ mɛnyaka nto daka dia lo Bible dia andja wele wɔma honga nto.” Adia Isaya 11:⁠9.