Woho wa mbisha anto periodikɛ

Tshoto y’Etangelo Ngɔ. ka 7, 15

“Nyɔi ka lakiso ɔmɔtshi la ngandji mbishaka pâ efula l’asolo. Onde wɛ fɔnyaka dia etenyi kande kɛmɔtshi tetemalaka la nsɛna l’ɔkɔngɔ wa nyɔi? [Tshikande akadimole.] Yeso akasha daka diakeketsha nɛ. [Adia Joani 5:28, 29.] Lam’ele Yeso akate dia eolwelo ‘kayonga,’ periodikɛ kɛnɛ nembetshiyaka l’ekimanyielo ka Bible dihole diele anto wambovɔ kakianɛ.”

Réveillez-vous! Ngɔ. ka 7

“Anto efula nsɛnaka yoho ya lɔsɛnɔ yoleki dimɛna lo ndjela akoka awɔ ndo vɔ mɛnaka dia ekɔ ohomba monga anto w’ɛlɔlɔ. Onde ngasɔ mbafɔnyayɛ ndo wɛ lawɔ? [Tshikande akadimole.] Tende wâle wakoka tokomɛ naka kɛnɛ kafɔnyaso ɔnɛ kekɔ ɔlɔlɔ tshikitana la kɛnɛ kɔsa Nzambi ɔnɛ kekɔ ɔlɔlɔ. [Adia Tukedi 14:12.] Sawo nɛ mɛnyaka elɛwɔ monga onto ɔlɔlɔ lo washo wa Nzambi.” Tɛkɛta dia sawo diotate lo lɛkɛ 20.

Tshoto y’Etangelo Ngɔ. ka 8, 1

“Dimi nangaka mbeya kanyi yayɛ lo dui dimɔtshi diakate Yeso. [Adia Mateu 5:3.] Onde wɛ fɔnyaka dia lonyuma l’ɔlɔlɔ lekɔ ohomba di’onto monga la ɔngɛnɔngɛnɔ? [Tshikande akadimole.] Periodikɛ kɛnɛ mɛnyaka kɛnɛ kata Bible lo dikambo dia lonyuma la mɛtɛ ndo woho wakokaso monga lalɔ.”

Réveillez-vous! Ngɔ. ka 8

“Lende afɔnyayɛ akoka ambutshi tana alako w’eshika wakoka mbakimanyiya mɛtɛ? [Tshikande akadimole.] Tende daka diasha Bible nɛ. [Adia 2 Timote 3:16.] Periodikɛ kɛnɛ mɛnyaka dia Bible kokaka monga ohomba efula dia mbodia ana wayoyonga la lɔsɛnɔ la ɔngɛnɔngɛnɔ.”