Woho wa mbisha anto periodikɛ
Tshoto y’Etangelo Ngɔ. ka 9, 15
Ta dikambo dimɔtshi dieke ka tomba lo ɛtshi kanyu ka nkɛtɛ. Oma lâsɔ, mbola ɔnɛ: “Onde wɛ fɔnyaka dia divɛsa nɛ dia lo Bible tɛkɛtaka shikaa shikaa dia nshi yeso lo nsɛna nyɛ? [Adia 2 Timote 3:1, ndo tshikande akadimole.] Sawo nɛ sɛdingolaka djembetelo yɛnya dia tekɔ lo nsɛna lo nshi y’ekomelo ndo mɛnyaka kɛnɛ kahombaso sala.”
Réveillez-vous! Ngɔ. ka 9
“Anto efula fɔnyaka dia takatongama. Akina fɔnyaka dia takahilɔ. Onde wɛ ekɔ la kanyi mɔtshi lo dikambo sɔ? [Tshikande akadimole.] Tende kanyi nyɛ yayotokimanyiya dia kondja okadimwelo wa shikaa. [Adia Jobo 12:7, 8.] Numɛlɔ ka lânde ka Réveillez-vous! ɔnɛ mɛnyaka wetshelo wakokaso kondja oma lo lomba ndo oyango wɛnama oma lo diangɔ diakatongama.”
Tshoto y’Etangelo Ngɔ. ka 10, 1
“Ambewi wa bioloji wekɔ lo pemba dia minya hemɔ ndo taloya lɔsɛnɔ laso. Onde wɛ fɔnyaka dia sho kokaka nsɛna pondjo pondjo? [Tshikande akadimole.] Tende ɔkɔkɔ wakombolaso nsɛna pondjo pondjo. [Adia Undaki 3:11.] Periodikɛ kɛnɛ nembetshiyaka lande na kakatotonge Nzambi la nsaki ka nsɛna pondjo pondjo.”
Réveillez-vous! Ngɔ. ka 10
“Suke l’onto tshɛ ngɛnangɛnaka menda televiziɔ. Ko onde wɛ fɔnyaka dia sho pombaka sɔnaka kɛnɛ kahombaso menda? [Tshikande akadimole. Oma lâsɔ, adia Tukedi 13:20.] Periodikɛ kɛnɛ mɛnyaka shɛngiya yele la televiziɔ leso ndo toshaka alako watokimanyiya dia mbeya kɛnɛ kahombaso ndo kahatahombe menda.”