Woho wa mbisha anto periodikɛ

Tshoto y’Etangelo Ngɔ. ka 9, 15

“Dimi nangaka mbeya kanyi yayɛ lo kɛnɛ kata divɛsa nɛ. [Adia Euhwelu k’Elembe 32:4.] Onde wɛ atayambolaka wate: Naka Nzambi ekɔ Kanga-Wolo-Tshɛ ndo kanga losembwe, ko lande na kamboleka asui ndo akambo wa kɔlɔ l’andja? [Tshikande akadimole.] Periodikɛ kɛnɛ mɛnyaka lande na kaketawɔ Nzambi dia akambo wa kɔlɔ tetemala monga polo ndo ɛlɔ kɛnɛ.”

Réveillez-vous! Ngɔ. ka 9

“Efula ka l’atei aso kombolaka monga la demba dia dimɛna ndo la lɔsɛnɔ l’otale. Onde wɛ fɔnyaka dia mɛna akambo la sso di’ɔlɔlɔ kokaka tokimanyiya dia monga la yonge ya dimɛna? [Tshikande akadimole. Oma lâsɔ adia Tukedi 17:22.] Sawo nɛ mɛnyaka lande na kele ekɔ ohomba mɛna akambo la sso di’ɔlɔlɔ.” Tɛkɛta dia sawo diotate lo lɛkɛ 26.

Tshoto y’Etangelo Ngɔ. ka 10, 1

“Onde wɛ atayâtɛkɛtɛka wate: ‘Otomosala akambo lo yoho yotshikitanyi lee!’? [Tshikande akadimole.] Tende kɛnɛ kata divɛsa nɛ dia mɛnya lande na kele tena dimɔtshi sho tshɛ salaka ɛsɔnwɛlɔ wayotonyangiyaka l’ɔkɔngɔ. [Adia Jeremiya 10:23.] Periodikɛ kɛnɛ mɛnyaka woho watokimanyiya alako w’eshika wa lo Bible dia sala ɛsɔnwɛlɔ w’amɛna.”

Réveillez-vous! Ngɔ. ka 10

“Onde wɛ fɔnyaka dia ana wamboleka monga lo wâle nshi nyɛ? [Tshikande akadimole.] Anto efula mɛnaka dia tekɔ lo nsɛna l’etena katɛkɛtama lanɛ. [Adia 2 Timote 3:1-5.] Periodikɛ kɛnɛ mbishaka alako amɔtshi w’eshika wendana la woho wakoka ambutshi kokɛ anawɔ oma le anto weyana la ana la wolo.”