Woho wa mbisha anto periodikɛ

Tshoto y’Etangelo Ngɔ. ka 8, 15

“Dimi nangaka mbeya kanyi yayɛ lo kɛnɛ kata divɛsa nɛ. [Adia Heberu 3:4.] Onde wɛ mbetawɔka di’andja ɔnɛ wekɔ la Otungi ɔmɔtshi wele la yimba? [Tshikande akadimole.] Periodikɛ kɛnɛ mɛnyaka dia kana mbetawɔ ɔnɛ Otungi ɔmɔtshi ekɔ mbɔtɔnɛka la siansɛ ka mɛtɛ.”

Réveillez-vous! Ngɔ. ka 8

Etena kahomanayɛ la ɔlɔngɔlɔngɔ kana osekaseka, wɛ mbeyaka mbuta ɔnɛ: “Anto efula wa lo lɔlɔnga layɛ wakanyange heyama la vate vate ya kɔlɔ yakawate lo dikambo diawɔ. Onde dui sɔ diambokokomɛka? [Tshikande akadimole.] Bible mbishaka alako w’eshika wakoka tokimanyiya etena kata anto vate vate lo dikambo diaso. Tɔ tɛnyaka nto woho wakokaso mbewɔ vate vate ya kɔlɔ.” Tɛkɛta dia sawo diotate lo lɛkɛ 12 ndo adia divɛsa dimɔ diele lo sawo diakɔ.

Tshoto y’Etangelo Ngɔ. ka 9, 1

“Anto efula mɛnaka dia ‘Daka di’Edjedja’ diekɔ l’awui w’ohomba efula wendana la ɛkɔndɔ. Koko vɔ ndjambolaka dia kana alako wele lɔkɔ mendanaka la nshi yaso nyɛ. Ko wɛ afɔnyayɛ lo dui sɔ? [Tshikande akadimole. Oma lâsɔ, adia Romo 15:4.] Periodikɛ kɛnɛ mɛnyaka woho watosha ‘Daka di’Edjedja’ alako w’ohomba efula wendana la lɔsɛnɔ la lushi la lushi ndo elongamelo ka shikaa dikambo dia nshi yayaye.”

Réveillez-vous! Ngɔ. ka 9

“Onde wɛ fɔnyaka dia mpokoso y’oma lo diangɔ diakatongama ndjaka oma le Nzambi? [Tshikande akadimole. Oma lâsɔ, adia Euhwelu k’Elembe 32:4.] Periodikɛ kɛnɛ mɛnyaka lande na katshika Nzambi dia mpokoso salema. Tɔ mɛnyaka nto woho wakokaso kokɛ nkumbo kaso oma lo mpokoso.”