Woho wa mbisha anto periodikɛ

Tshoto y’Etangelo Ngɔ. ka 10, 15

“Anto efula fɔnyaka dia ndoko k’ɔlɔ kâkongɛ lo nshi yayaye, ɔnkɔnɛ vɔ mɛnaka dimɛna nsɛna paka lo dikambo dia lɔsɛnɔ la nshi nyɛ. Ko wɛ afɔnyayɛ lo dui sɔ? [Tshikande akadimole.] Yeso akate dui dia dimɛna efula nɛ. [Adia Mateu 6:34.] Periodikɛ kɛnɛ nembetshiyaka woho wakokaso kongɛ nshi yaso yayaye ko l’etena kakɔ kâmɛ mbewɔ ndjakiyanya amboleka dikambo dia nshi yayaye.”

Réveillez-vous! Ngɔ. ka 10

“Sho tshɛ tambovushaka wakiso amɔtshi wa ngandji. Onde wɛ fɔnyaka dia vɔ wekɔ lo tenda oma l’olongo? [Tshikande akadimole.] Tende kɛnɛ kakate Yeso etena kakavu Lazaro. [Adia Joani 11:11.] Sawo nɛ nembetshiyaka kana anto wambovɔ wekɔ lo nsɛna dihole dimɔtshi ko kana wekɔ lo djɔ wakongɛ eolwelo.” Tɛkɛta dia sawo diotate lo lɛkɛ 28.

Tshoto y’Etangelo Ngɔ. ka 11, 1

“Onde wɛ fɔnyaka dia andja ɔnɛ wayonga dihole dia dimɛna naka anto monga la okitshakitsha w’efula? [Tshikande akadimole.] Tende kɛnɛ kakate Yeso lo dikambo dia dionga sɔ. [Adia Mateu 23:12.] Periodikɛ kɛnɛ mɛnyaka ohomba wa monga la okitshakitsha kânga l’andja ɔnɛ wele anto la yimba ya shɛmanedi.”

Réveillez-vous! Ngɔ. ka 11

“Lo nshi y’edjedja, mbala efula anto wakayangaka ɛlɔmbwɛlɔ oma lo Bible. Koko nshi nyɛ, anto efula waya la wendjodi. Ngande wafɔnyayɛ? [Tshikande akadimole. Oma lâsɔ, adia 2 Timote 3:16.] Numɛlɔ ka lânde ka Réveillez-vous ! ɔnɛ mbishaka tolembetelo t’eshika tɛnya dia Bible kakasambiyama oma le Nzambi.”