Woho wa mbisha anto periodikɛ

Tshoto y’Etangelo Ngɔ. ka 10, 15

“Anto amɔtshi mbutaka dia ekɔ wolo efula dia mbeya Nzambi lam’ele nde ekɔ l’olongo. Onde wɛ atakanyiyaka ngasɔ ndoko lushi? [Tshikande akadimole. Oma lâsɔ, adia Joani 17:⁠3.] Periodikɛ kɛnɛ nembetshiyaka woho wakokaso kondja ewo ka Nzambi.”

Réveillez-vous! Ngɔ. ka 10

“Efula ka l’atei aso wambovushaka anto amɔtshi wokawɔ ngandji. Onde wɛ fɔnyaka dia ekɔ awui amɔtshi wakokaso sala dia mbâkimanyiya l’ɔkɔngɔ wa nyɔi kawɔ? [Tshikande akadimole.] Sawo nɛ tɛnyaka okadimwelo washa Bible lo dimbola sɔ. Diɔ sɛdingolaka nto daka nɛ diakeketsha.” Adia Joani 5:​28, 29. Oma lâsɔ, tɛkɛta dia sawo diotate lo lɛkɛ 10.

Tshoto y’Etangelo Ngɔ. ka 11, 1

“Ɛlɔ kɛnɛ, anto wekɔ la tokanyi totshikitanyi lo kɛnɛ kendana la wodielo w’ana. Onde wɛ fɔnyaka di’ambutshi kokaka kondja alako w’eshika? [Tshikande akadimole. Oma lâsɔ, adia Osambu 32:⁠8.] Periodikɛ kɛnɛ mɛnyaka wetshelo w’eshika w’oma lo Bible wendana la wodielo w’ana.”

Réveillez-vous! Ngɔ. ka 11

“Onde wɛ atayambolaka ndoko lushi ɔnɛ naka Nzambi ka ngandji, ka losembwe ndo ka wolo efula ekɔ, lande na kele asui efula nganɛ? [Tshikande akadimole.] Tende kɛnɛ kata divɛsa nɛ lo kɛnɛ kendana la kiɔkɔ y’asui. [Adia 1 Joani 5:19.] Periodikɛ kɛnɛ nembetshiyaka oma l’ekimanyielo ka Bible kɛnɛ kayosala Nzambi dia minya asui.”