Woho wa mbisha anto periodikɛ

Tshoto y’Etangelo Ngɔ. ka 11, 15

“Sho tshɛ kombolaka monga la lɔsɛnɔ la ɔngɛnɔngɛnɔ ndo lele l’oyango. Onde wɛ mbetawɔka kɛnɛ kakate Yeso lo divɛsa nɛ lo kɛnɛ kendana la sheke ya ɔngɛnɔngɛnɔ? [Adia Mateu 5:3. Oma lâsɔ, tshikande akadimole.] Periodikɛ kɛnɛ mɛnyaka dia kotsha nsaki kaso ka lôtɔ ndo k’ohomba efula ka tɛmɔla Nzambi mbishaka lɔsɛnɔ laso oyango.”

Réveillez-vous! Ngɔ. ka 11.

“Lo nshi nyɛ yamboleka anto ndjasha l’awui wa siansɛ ndo wa tâmu, anto efula mbɔsaka dia Bible ambeta loowe. Akanyiyayɛ lo dikambo sɔ? [Tshikande akadimole.] Onde wɛ mbeyaka dia dui tshɛ diendana la siansɛ diatɛkɛta Bible diekɔ mɛtɛ? [Adia Jobo 26:7.] Numɛlɔ ka lânde ka Réveillez-vous ! kɛnɛ toshaka ɛkɔkɔ w’eshika wɛnya dia sho koka mbɛkama Bible.”

Tshoto y’Etangelo Ngɔ. ka 12,  1

“Ngande wakokayɛ kadimola lo dimbola nɛ? [Adia dimbola diele lo lohoso. Oma lâsɔ, tshikande akadimole.] Sangwelo diaki Nzambi ele dia anto tshɛ monga kâmɛ. [Adia Osambu 46:8, 9.] Periodikɛ kɛnɛ mɛnyaka kɛnɛ kata Bible lo woho wayonga anto tshɛ kâmɛ.”

Réveillez-vous! Ngɔ. ka 12

“Anto amɔtshi mbɔsaka nyɔi oko wetelo w’otsha lo lɔsɛnɔ lokina; akina fɔnyaka dia tɔ kekɔ ekomelo. Onde wɛ fɔnyaka dia nyɔi ekɔ ɛngɔ ka mboka wɔma? [Tshikande akadimole.] Tende woho wakayaoke Jɔbɔ lo kɛnɛ kendana la nyɔi kande. [Adia Jobo 14:14, 15.] Periodikɛ kɛnɛ nembetshiyaka dimɛna kɛnɛ kata Bible lo kɛnɛ kendana la woho wayalaso lam’avɔso.”