Woho wa mbisha anto periodikɛ

Tshoto y’Etangelo Ngɔ. ka 5, 1

“Woho wataleke pama mpokoso y’oma lo diangɔ diakatongama lo nshi yaso nyɛ ambokonya anto dia ndjambola kana yɔ yekɔ alanya w’oma le Nzambi. Ko wɛ akanyiyayɛ? [Tshikande akadimole. Oma lâsɔ, adia 1 Joani 4:8.] Sawo nɛ mɛnyaka woho wele Nzambi kema kiɔkɔ y’asui waya oma lo mpokoso y’oma lo diangɔ diakatongama.” Tɛkɛta dia sawo diotate lo lɛkɛ 30.

Réveillez-vous! Ngɔ. ka 5

Adia Mateu 6:10. Oma lâsɔ ko wɛ mumbola ɔnɛ: “Onde wɛ amboyambolaka ele lolango laki Nzambi dikambo dia nkɛtɛ? [Tshikande akadimole.] Lo ndjela Bible, Nzambi aki la sangwelo dimɔtshi dikambo dia nkɛtɛ oma ko etatelo ndo sangwelo diakɔ diatatshikitana. Sawo nɛ nembetshiyaka dikambo sɔ.” Tɛkɛta dia sawo diotate lo lɛkɛ 10.

Tshoto y’Etangelo Ngɔ. ka 6, 1

“Ɔkɔndɔ ɔmɔtshi weyama dimɛna l’atei w’ɛkɔndɔ wa lo Bible ko ɔkɔndɔ wa Nɔa la Mvula k’elola. Oko le yɛ, onde Mvula k’elola kakalɔ mɛtɛ? [Tshikande akadimole.] Dui dia diambo ko, Yeso akate dia dui sɔ diakasalema mɛtɛ. [Adia Luka 17:26, 27.] Periodikɛ kɛnɛ mbishaka ɛkɔkɔ watotshutshuya dia mbetawɔ ɔkɔndɔ wa Mvula k’elola ndo wetshelo w’ohomba wakondjaso oma lɔkɔ.”

Réveillez-vous! Ngɔ. ka 6

“Mbodia ɔna ekɔ tshondo y’okakatanu, djekoleko etena kakotsha ɔna ɛnɔnyi dikumi l’ɛmɔ ndo kasalema etshikitanu wa weke lo demba diande. Lende afɔnyayɛ akoka ambutshi tana alako w’eshika? [Tshikande akadimole. Oma lâsɔ, adia Isaya 48:17, 18.] Periodikɛ kɛnɛ mbishaka alako amɔtshi w’eshika wakimanyiya ambutshi dia vɔ sala akambo la lomba ndo la shɛnɔdi.”