Woho wa mbisha anto periodikɛ

Tshoto y’Etangelo Ngɔndɔ ka tanu 1

Adia Mateu 24:3. Oma lâsɔ ko wɛ mbuta ɔnɛ: “Anto amɔtshi fɔnyaka dia dimbola sɔ mendanaka la olanyelo w’okama aso wa nkɛtɛ. Onde wɛ fɔnyaka dia nkɛtɛ kɛnɛ kayolanyema? [Tshikande akadimole.] Okadimwelo wakasha Yeso toshaka ɔkɔkɔ w’oshika wa sho nongamɛ aha olanyelo wa nkɛtɛ koko olanyelo wa ɛngɔ kotshikitanyi la nkɛtɛ. Sawo diele lo lɛkɛ 16 ndekaka tɛkɛta dikambo sɔ.”

Réveillez-vous ! Ngɔndɔ ka tanu

“Ewandji ɛmɔtshi w’ɛtɛmwɛlɔ sambishaka ɔnɛ naka sho ngɛnyangɛnya Nzambi, kete nde ayotosha ɔngɔnyi wa l’emunyi. Koko ondo wɛ mbeyaka anto amɔtshi w’ɛlɔlɔ wele akanga a wola. Onde wɛ fɔnyaka dia Nzambi nangaka dia sho ngɔna? [Tshikande akadimole. Oma lâsɔ adia Heberu 13:5.] Sawo nɛ nembetshiyaka woho watɔtshɔkɔla Nzambi.” Tɛkɛta dia sawo diotate lo lɛkɛ 12.

Tshoto y’Etangelo Ngɔndɔ ka samalo 1

“Abuku washa alako wendana la wodielo w’ana, ngandji ndo woho wa monga la lɔsɛnɔ la dimɛna wambokokanɛ l’andja w’otondo ɛlɔ kɛnɛ. Onde ndo wɛ mbêtawɔ dia abuku asɔ wekɔ ohomba le yɛ? [Tshikande akadimole.] Anto efula mɔnyɔlaka dibuku nɛ diasha alako w’eshika. [Adia 2 Timote 3:16.] Periodikɛ kɛnɛ mɛnyaka lande na kakokaso ndjaɛkɛ lo Bible ndo tɔ mbishaka bɛnyɛlɔ di’alako w’eshika wele lɔkɔ.”

Réveillez-vous ! Ngɔndɔ ka samalo

“Oko wadieyayɛ, anto efula wekɔ lo mbidjana tâmu dia mbeya kana tondja diemi ekɔ dimɛna kana kɔlɔ. Onde wɛ fɔnyaka dia Bible kokaka kimanyiya onto dia nde mbɔsa yɛdikɔ ya dimɛna lo dikambo sɔ? [Tshikande akadimole. Oma lâsɔ adia 2 Timote 3:16, 17.] Periodikɛ kɛnɛ mɛnyaka kɛnɛ kata Bible lo dikambo sɔ.”