Mukanda w’oma le filialɛ

Apandjudi wa Diolelo wa ngandji,

Tekɔ l’ɔngɛnɔngɛnɔ efula dia nyewoya alapɔlɔ aso w’olimu w’esambishelo wa Ngɔndɔ ka sato 2008. Lo Congo-Kinshasa, takakotsha lofulo l’oyoyo l’apandjudi 150309. Ɔnɛ mbele mbala ka ntondo lo wodja aso ka apandjudi ndekana 150000 kimɔ alapɔlɔ w’olimu lo ngɔndɔ ɔtɔi. Tekɔ nto la lofulo l’oyoyo la wenya wakatetsha l’esambishelo, l’ambeki wa Bible wakatalɔmbɔla ndo toho tokina t’olimu w’esambishelo. Lâdiko dia lâsɔ, taki l’ɔngɛnɔngɛnɔ wa mɛna dia apandjudi 5 174 wakasambisha l’ohetoheto lofulo l’oyoyo la wenya 122 365 lo Congo-Brazzaville. Tambolanga nyandola l’ɔtɛ w’olimu wa wolo wakanyakambe dia sambisha lokumu l’ɔlɔlɔ.​—1 Kor. 15:58.

Olimu wa wokelo wekɔ lo tatshu otsha la ntondo lo Bɛtɛlɛ. Lo Ngɔndɔ ka nɛi 28, 2008, ase nkumbo ka Bɛtɛlɛ waki l’ɔngɛnɔngɛnɔ dia tatɛ ndɛ lo luudu l’olelo l’oyoyo ndo tatɛ katɛ lo nkuku k’oyoyo ka dimɛna efula. Luudu l’olelo l’oyoyo lɔsɔ mbɔsaka woke wa lɔnɛ l’edjedja ndodia l’ahende, ndo lekɔ l’ahole w’anto 600 mbidjasɛ.

Lushi la samalo, Ngɔndɔ ka hende 23, 2008, osapwelo wa Mbalasa ka nsanganya ya weke kele lo Limete la Kinshasa wakasalema. Anto tshɛ waki lawɔ waketawɔ l’ɔngɛnɔngɛnɔ tshɛ dia kamba latɔ dia tombolaka Jehowa ndo dia kikokɛka dimɛna. Lo Ngɔndɔ k’esambele, Mbalasa kekina ka nsanganya ya weke kakashile la mbikama la Kisangani ndo kema edja nkina yayokama la Lubumbashi ndo la Mbuji-Mayi. Lâdiko dia lâsɔ, osapwelo wa woho okina wa Mbalasa ka nsanganya ya weke wakasalema la Beni lo Ngɔndɔ ka hende 2008 ndo la Butembo lo Ngɔndɔ ka nɛi 2007. Tekɔ kakianɛ l’ɔngɛnɔngɛnɔ lo woho wakambema Mbalasa shɔ dia tombola Jehowa.

Nyɛsɔ totetemale tshikala nge etena kakongɛso panda k’oma le Jehowa kamboleka sukana.

Anangɛnyu,

Bɛtɛlɛ ka lo Congo-Kinshasa