Woho wa mbisha anto periodikɛ

Tshoto y’Etangelo Ngɔndɔ k’esambele 1

“Onde wɛ fɔnyaka dia sho kokaka monga la wɔladi wa l’etei k’otema lo tena di’ofukutanu diasɛnaso nɛ? [Tshikande akadimole.] Enda kɛnɛ kata Bible lo Filipi 4:6, 7. [Adia.] Sawo nɛ nembetshiyaka woho wakokaso monga la wɔladi washa Nzambi.” Tɛkɛta dia sawo diotate lo lɛkɛ 10.

Réveillez-vous ! Ngɔndɔ k’esambele

“Efula ka l’atei aso wekɔ la lowando l’ɔtɛ wa kɛnɛ kakatetsha ambutshi aso. Onde wɛ fɔnyaka dia kema dimɛna sɛdingola wetshelo wendana la ɔtɛmwɛlɔ wakawatetsha teke akɛnda? [Tshikande akadimole. Oma lâsɔ adia 1 Joani 4:1.] Sawo nɛ mɛnyaka dia kana ekɔ kɔlɔ mimɔ l’ɔtɛmwɛlɔ weso ko mbɔtɔ l’okina.” Tɛkɛta dia sawo diotate lo lɛkɛ 28.

Tshoto y’Etangelo Ngɔndɔ k’enanɛi 1

“Anto amɔtshi mbutaka dia ɛtɛmwɛlɔ tshɛ wekɔ oko mboka yotshikitanyi yatɔla otsha le Nzambi kakɔ ɔtɔi. Onde wɛ fɔnyaka dia ɛtɛmwɛlɔ tshɛ wekɔ ɛtɛmwɛlɔ wa mɛtɛ? [Tshikande akadimole. Oma lâsɔ adia Mateu 7:13, 14.] Periodikɛ kɛnɛ mɛnyaka akambo asato wa shikaa wata Bible wahomba ɔtɛmwɛlɔ wa mɛtɛ kotsha.”

Réveillez-vous ! Ngɔndɔ k’enanɛi

“Wambokanɛka ɔmɔmɔ la l’atei aso kɔlɔ l’ɔtɛ wa dikambo dimɔtshi. Lo ndjela kanyi yayɛ, ngande wɔsa Nzambi dionga dia kanɛka anto akina kɔlɔ? [Tshikande akadimole. Oma lâsɔ adia Etsha 10:34, 35.] Bible kokaka tokimanyiya dia sho mbikikɛ etena katokanɛwɔ kɔlɔ. Tɔ tokimanyiyaka nto dia sho minya kanyi ya kɔlɔ tshɛ yakoka monga la so otsha le anto akina. Periodikɛ kɛnɛ nembetshiyaka dikambo sɔ.”