Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo Ngɔndɔ k’enanɛi 1

“Oko lo kanyi yayɛ, anto wekɔ la ohomba wa dikambo dia vɔ monga l’ɔngɛnɔngɛnɔ? [Tshikande akadimole. Oma lâsɔ adia Mateu 5:3.] Ɔnɛ ekɔ tsho dikambo ɔtɔi l’atei w’akambo wakate Yeso lo kɛnɛ kendana l’ɔngɛnɔngɛnɔ. Sawo nɛ mɛnyaka wetshelo wakondjaso oma lo le Yeso lo kɛnɛ kendana la woho wakokaso monga l’ɔngɛnɔngɛnɔ wa mɛtɛ.” Tɛkɛta dia sawo diotate lo lɛkɛ 16.

Réveillez-vous! Ngɔndɔ k’enanɛi

“Ɛlɔ kasɛnaso kɛnɛ, filmɛ efula mɛnyaka awui wendana l’ɛdiɛngɛ, akanga w’alɔka ndo awui wa waa wetshi. Onde wɛ fɔnyaka dia ɛdiɛngɛ wekɔ anto wa mɛtɛ? [Tshikande akadimole. Oma lâsɔ adia 1 Koreto 10:20.] Sawo nɛ mɛnyaka kɛnɛ kata Bible lo dikambo di’ɛdiɛngɛ ndo woho wakokaso ndjakokɛ oma le wɔ.” Tɛkɛta dia sawo diotate lo lɛkɛ 20.

Tshoto y’Etangelo Ngɔndɔ ka divwa 1

Tɛkɛta dikambo dimɔtshi di’oyoyo diayakiyanya anto wa lo ɛtshi kanyu ka nkɛtɛ. Oma lâsɔ ko wɛ mbuta wate: “Onde wɛ atayambolaka lande na kasala anto akambo wa kɔlɔ wa ngasɔ? [Tshikande akadimole.] Bible toshaka ɔkɔkɔ wahombaso monga la elongamelo. [Adia 2 Petero 3:13.] Periodikɛ kɛnɛ mɛnyaka kɛnɛ kata Bible lo kɛnɛ kendana kiɔkɔ y’akambo wa kɔlɔ ndo woho wele kema edja Nzambi ayanga minya akambo wa kɔlɔ.”

Réveillez-vous! Ngɔndɔ ka divwa

“Onde wɛ fɔnyaka dia telefɔnɛ, mesajɛ wa l’Ɛtɛrnɛtɛ, ndo toho tokina takimanyiya anto dia nsawola ambokimanyiya anto diaha vɔ ndjaoka ekalema? [Tshikande akadimole.] Dui dimɔ diakoka tokimanyiya diaha sho ndjaoka oko tekɔ ekalema diɔ nɛ. [Adia Etsha 20:35.] Periodikɛ kɛnɛ toshaka alako akina w’eshika w’oma lo Bible wendana la dikambo sɔ.”