Woho wa mbisha anto periodikɛ (Numɛlɔ kele bu l’Ɔtɛtɛla ko nyu menda lo Falase)

Tshoto y’Etangelo ngɔndɔ ka Hende 1

“Onde wɛ fɔnyaka dia sho koka mbeya woho wele Nzambi? [Tshikande akadimole.] Lekɔ la dui dimɔ di’ohomba diendana la dikambo sɔ.” Adia ndo nyɔkɛtshanya awui wele l’ɛse ka dimbola 2 lo lɛkɛ 16 ndo divɛsa dimɔ dioshilami lawɔ. Shande periodikɛ ndo nyokane lushi layoyokalola dia nyu tɔsɛdingola awui wele l’ɛse ka dimbola 3.

Réveillez-vous ! ngɔndɔ ka Hende

“Lam’ele Bible ekɔ dibuku diaya edja efula, anto amɔtshi fɔnyaka dia diɔ hadiote mɛtɛ l’awui wa siansɛ. Naa kanyi yayɛ lo dikambo sɔ? [Tshikande akadimole.] Anto efula mambaka etena kokawɔ dia Bible mbutaka dui nɛ. [Adia Isaya 40:22.] Sawo diotate lo lɛkɛ 22 kadimolaka lo dimbola diata ɔnɛ: Onde awui wa siansɛ mbɔtɔnɛka la wa lo Bible?”

Tshoto y’Etangelo ngɔndɔ ka Sato 1

“Ɛmɛnyi wa Jehowa mbeyamaka lo woho wasambishawɔ. Onde wɛ atayambolaka lande na kakambaso olimu ɔsɔ? [Tshikande akadimole.] Enda elembetshiyelo ɛnɛ. [Adia Mateu 24:14.] Periodikɛ kɛnɛ kadimolaka ambola wayela anɛ: Naa lokumu l’ɔlɔlɔ lɔsɔ na? Diolelo kɛdikɛdi na? Ndo ekomelo kakɔna kɛsɔ kayoya?”

Réveillez-vous ! ngɔndɔ ka Sato

“Lam’ele anto efula tataka hemɔ, tekɔ lo tadiɛ anto divɛsa nɛ diakeketsha. [Adia Isaya 33:24.] Oko le yɛ, etena kayokotshama divɛsa nɛ, lɔsɛnɔ layonga ngande? [Tshikande akadimole.] Etena kakatakongɛ dia Nzambi nsala etshikitanu ɛsɔ, ekɔ wanya amɔtshi wakoka onto tshɛ la l’atei aso ntakola dia monga la yônge ya dimɛna. Periodikɛ kɛnɛ nembetshiyaka wanya akɔ.”