Woho wa mbisha anto periodikɛ

Tshoto y’Etangelo Ngɔndɔ ka hende 1

“Onde wɛ fɔnyaka dia Nzambi mpokamɛka alɔmbɛlɔ tshɛ? [Tshikande akadimole.] Tende kɛnɛ kakate Yeso lo dikambo sɔ. [Adia Mateu 6:7.] Sawo di’ohomba nɛ mbishaka okadimwelo w’oma lo Bible lo ambola anɛi waleka anto ndjambola lo kɛnɛ kendana la dɔmbɛlɔ.” Tɛkɛta dia sawo diotate lo lɛkɛ 16.

Réveillez-vous ! Ngɔndɔ ka hende

“Anto efula fɔnyaka dia lɔsɛnɔ laso lambotakongɛmaki la ntondo. Ko wɛ akanayɛ lo dikambo sɔ? [Tshikande akadimole.] Lo ndjela divɛsa nɛ, tekɔ la ɔsɔnwɛlɔ wahombaso sala. [Adia Euhwelu k’Elembe 30:19.] Sawo nɛ tɛkɛtaka dia kɛnɛ kata Bible lo dikambo dia wetshelo w’ɔnɛ lɔsɛnɔ l’anto takatakongɛmaki la ntondo.” Tɛkɛta dia sawo diotate lo lɛkɛ 12.

Tshoto y’Etangelo Ngɔndɔ ka sato 1

“Onde wɛ fɔnyaka dia akambo tshɛ wasalema lo lɔsɛnɔ wambotakongɛmaki la ntondo? [Tshikande akadimole.] Tende kɛnɛ kata Bible lo dikambo sɔ. [Adia Undaki 9:11.] Periodikɛ kɛnɛ nembetshiyaka dia kânga mbakatakonge Nzambi nshi yayaye y’amɛna lo dikambo dia nkɛtɛ la ntondo, nde mbishaka onto tshɛ diaaso dia sɔnɔla yoho ya lɔsɛnɔ lalangande nsɛna.”

Réveillez-vous ! Ngɔndɔ ka sato

“Anto efula ɛlɔ kɛnɛ wekɔ lo sowa la ekakatanu ɛmɔtshi wendana la falanga, djekoleko lo nshi nyɛ yamboleka ekakatanu wendana la ekondjelo fula. Onde wɛ mbetawɔka dui sɔ? [Tshikande akadimole.] Tende dako diele la wɛdimo nɛ. [Adia 1 Timote 6:8, 10.] Periodikɛ kɛnɛ kekɔ la atɔndɔ amɔtshi wa lo Bible watokimanyiya dia sho kamba la falanga yaso lo yoho yayotela wɔladi wa lo yimba.”