Tokambe la wɔ lo dihole dia vɔ tshɛlɛwaka lo lɔkɔtɔ
Tshumanelo efula diekɔ la ekanda w’edjedja woho w’anyanya. Lande na kahayɔshi abuku amɔtshi dikambo dia bibliɔtɛkɛ ayɛ? Lo mɛtɛ, l’ekimanyielo ka Watchtower Library, wɛ kokaka mbeya awui wele lo ekanda ɛmɔtshi w’edjedja ɛsɔ. Koko, ekɔ nto ohomba efula monga la ekanda ɛsɔ lo bibliɔtɛkɛ wa lo luudu layɛ. Onde wɛ ekɔ lo mbeka Bible la onto ɔmɔtshi latahame? Naka ngasɔ, keketshande dia nkondja abuku w’edjedja wele la nyu lo lɔkɔtɔ asɔ dia nde monga la wɔ lo bibliɔtɛkɛ ande. Omendji wa Kalasa k’olimu wa teokrasi pombaka ndjashikikɛ dia bibliɔtɛkɛ wa lo Mbalasa ka Diolelo wekɔ la dibuku tshɛ di’edjedja diele lo lɔkɔtɔ l’etshumanelo. Ekanda ɛsɔ wêke ohomba. Lo dihole di’ekanda ɛsɔ tshɛlɛwaka lo lɔkɔtɔ l’etshumanelo, ayonga mɛtɛ dimɛna efula sho nkamba la wɔ olimu!