Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible lushi la samalo la ntondo la ngɔndɔ ka Dikumi l’Ɔtɔi

“Oko le yɛ, onde anto wakitanyiya Nzambi wekɔ l’ɔngɛnɔngɛnɔ? [Tshikande akadimole.] Periodikɛ kɛnɛ mɛnyaka akambo amɔtshi w’ohomba efula.” Sha ompokami ayɛ Tshoto y’Etangelo ya ngɔndɔ ka Dikumi l’Ɔtɔi 1. Oma lâsɔ, nyadia ndo nyɔkɛtshanya awui wele l’ɛse ka ɔtɛ a dui wa lo lɛkɛ 16-17. Nyadia divɛsa ɔtɔi l’avɛsa wele lɔkɔ. Shande periodikɛ ndo nyokane lushi layoyotshɔ lakande dia nyu tɔsɛdingola okadimwelo wa dimbola dikina.

Tshoto y’Etangelo ngɔndɔ ka Dikumi l’Ɔtɔi 1

“Anto amɔtshi fɔnyaka ɔnɛ kɛnɛ kata Bible lo dikambo dia awui wa dieyanelo kambeta loowe ndo kekɔ wolo ndjela. Anto akina mbetawɔka kɛnɛ kata Bible lo dikambo sɔ. Ko wɛ, kakɔna katayɛ? [Tshikande akadimole.] Tênde kɛnɛ kata Bible lo kɛnɛ kendana la kiɔkɔ y’ɛlɛmbɛ wele lɔkɔ. [Adia 2 Timote 3:16.] Periodikɛ kɛnɛ mɛnyaka okadimwelo washa Bible lo ambola dikumi wayaoka anto lo kɛnɛ kendana l’awui wa dieyanelo. Tɔ nembetshiyaka nto wahɔ wakondjaso lo nkitanyiya atɔndɔ wa lo Bible.”

Réveillez-vous ! ngɔndɔ ka Dikumi l’Ɔtɔi

“Naka sho nsɛdingola diangɔ diotodingi dimɛna dimɛna, onde tayota ɔnɛ Otungi ɔmɔtshi ekɔ kana ɔnɛ diangɔ tshɛ diakahilɔ lohilɔ? [Tshikande akadimole.] Tênde kɛnɛ kakate ofundji ɔmɔtshi wa Bible etena kakandasɛdingola diangɔ diakatongama. [Adia Romo 1:20.] Periodikɛ kɛnɛ nembetshiyaka kɛnɛ kamboshola ase siansɛ lo kɛnɛ kendana la tɔtshɔngu taki onto ndo dui sɔ diambotokimanyiya dia nsho shihodia dikambo sɔ.”