Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka dikumi l’ɔtɔi

“Lam’alangɛ, ohenda dimbola di’ohomba efula nɛ. [Adia dimbola dia ntondo diele lo dikatshi di’ekomelo dia Tshoto y’Etangelo ya Ngɔndɔ ka dikumi l’ɔtɔi 1.] Naa kanyi yayɛ lo dikambo sɔ? [Adia edingɔ ehende wele l’ɛse ka dimbola sɔ ndo nyadia kanga divɛsa ɔtoi dioshilami.] Onde dimi koka nkalola nto dia sho ndjɔkɛtshanya dia mbeya lande na kakololaka Yeso anto ndo kɛnɛ kalembetshiya dui sɔ le so?”

Tshoto y’Etangelo Ngɔndɔ ka dikumi l’ɔtɔi 1

“Onde wɛ atayambolaka lande na kambofulanɛ akambo wa kɔlɔ l’andja ɔnɛ? [Tshikande akadimole.] Bible nembetshiyaka lande na kasalema awui asɔ lo Ɛnyɛlɔ 12:9. [Adia.] Koko, divɛsa 12 dia toshaka elongamelo. [Adia Ɛnyɛlɔ 12:12.] Kem’edja shɛngiya ya kɔlɔ yaki Satana hayotonga nto. Sawo diele l’ɔtɛ a dui ɔnɛ ‘onde sho pombaka mboka Satana wɔma?’ totɛka woho wakokaso ndjakokɛ kakianɛ oma lo shɛngiya yande ndo kɛnɛ kayanga komɛ Satana kem’edja lo nshi yayaye yaya suke. Kɔpi kayɛ tɔ kɛnɛ.”

Réveillez-vous ! Ngɔndɔ ka dikumi l’ɔtɔi

“Onto tshɛ kombolaka monga l’ɔngɛnɔngɛnɔ, koko ɛlɔ kɛnɛ anto efula bu la wɔ. Oko le yɛ, kakɔka kakoka mbisha onto ɔngɛnɔngɛnɔ wa mɛtɛ? [Tshikande akadimole.] Dimi shikikɛka dia Bible kimanyiyaka anto dia monga la lɔsɛnɔ l’ɔngɛnɔngɛnɔ. Ɛnyɛlɔ, lembetɛ tɔndɔ dia lo Bible nɛ. [Adia Hɛbɛru 13:5.] Periodikɛ kɛnɛ mɛnyaka ɛkɔkɔ ɛnɛi w’eshika w’oma lo Bible watokimanyiya dia monga l’ɔngɛnɔngɛnɔ wa mɛtɛ.”