Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka Tanu

“Onde wɛ mbɔsaka dia ɛtɛmwɛlɔ tshutshuyaka anto dia mbokana ngandji ndo monga la wɔladi lam’asawɔ kana dia vɔ mpetshana ndo ndjasha lo akambo wa ngala? [Tshikande akadimole.] Lekɔ lo nanga kɛnya dikambo dimɔtshi di’ohomba diendana la dimbola sɔ.” Oma lâsɔ, sha ompokami ayɛ Tshoto y’Etangelo ya ngɔndɔ ka Tanu 1 ndo nyɔsɛdingole kâmɛ awui wele l’ɔtɛ a dui wa ntondo wele lo lɛkɛ 16 ndo nyadia divɛsa dimɔ. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo ngɔndɔ ka Tanu 1

“Anto efula mbetawɔka dia ekɔ dimɛna di’ase ɛtɛmwɛlɔ ndjasha l’awui wa pɔlitikɛ, etena kele anto akina mbɔsaka dia ase ɛtɛmwɛlɔ hawohombe ndjatambiya l’awui wa pɔlitikɛ. Akanayɛ lo dikambo sɔ? [Tshikande akadimole.] Tende kɛnɛ kakasale Yeso etena kakawalange mbodja owandji. [Adia Joani 6:15.] Periodikɛ kɛnɛ nembetshiyaka lande na kakatone Yeso dia vɔ mbodja owandji ndo tɔ mɛnyaka yoho ya dimɛna yakoka Akristo nkimanyiya anto wa l’atshunda awɔ.”

Réveillez-vous ! Ngɔndɔ ka Tanu

“Suke l’onto tshɛ lasawola laso mbutaka dia wakawɛngiya l’etena kɛmɔ kana kekina. Onde wɛ fɔnyaka di’akambo wa wɛngiya wayoshila lushi lɔmɔ? [Tshikande akadimole.] Lembetɛ kɛnɛ kata prɔfɛsiya kɛnɛ lo dikambo dia lowandji layoyoshidiya akambo wa wɛngiya. [Adia Osambu 72:11-14.] Periodikɛ kɛnɛ nembetshiyaka alaka wa lo Bible wayokotshama kem’edja.”