Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la ngɔndɔ ka Samalo

Adia Isaya 42:8. Oma lâsɔ, ta wate: “Lo ndjela divɛsa nɛ, Nzambi ekɔ la lokombo. Oko le yɛ onde ekɔ ohomba sho nkamba la lokombo laki Nzambi? [Tshikande akadimole.] Ɛnyande kɛnɛ kata Bible lo dikambo sɔ.” Oma lâsɔ, ko wɛ mbisha ompokami ayɛ Tshoto y’Etangelo ya Ngɔndɔ ka samalo 1 ndo nyɔsɛdingole kâmɛ awui wele l’ɔtɛ a dui wahɔnyi wa ntondo wele lo lɛkɛ 16. Shande periodikɛ ndo nyôkane lushi lahombayɛ ndja dia nyu ndjɔkɛtshanya dimbola dikina.

Tshoto y’Etangelo Ngɔndɔ ka samalo 1

“Dimi nangaka mbeya kanyi yayɛ lo dikambo dimɔtshi di’ohomba. [Fola lo lɛkɛ 3 ndo ɛnyande ɛtɛ w’awui.] Lo ɛtɛ w’awui ɛnɛ, wakɔna waleka mbɔtɔnɛ la kanyi yele la yɛ lo kɛnɛ kendana la Bible? [Tshikande akadimole.] Tênde kɛnɛ kata Bible lo dikambo diatɔ twamɛ. [Adia Romo 15:4.] Periodikɛ kɛnɛ mɛnyaka ɛkɔkɔ etanu wele Bible ekɔ dibuku diotshikitanyi l’abuku akina tshɛ ndo tɔ mɛnyaka wahɔ wakokaso nkondja oma lɔkɔ.”

Réveillez-vous ! Ngɔndɔ ka samalo

“Ɔnɔnyi tshɛ miliyɔ y’anto wa l’andja w’otondo wekɔ lo ntata hemɔ yoye oma lo mbo ya ndɛ ya kɔlɔ. Oko le yɛ, akokayɛ mbuta lo kɛnɛ kendana la mbo ya ndɛ ya l’ɛtshi kanyu ka nkɛtɛ? [Tshikande akadimole.] Periodikɛ kɛnɛ mɛnyaka toho tɔnɛi takokaso ndjakokɛ sho la nkumbo yaso oma lo hemɔ yoye oma lo mbo ya ndɛ ya kɔlɔ. Tɔ mɛnyaka nto daka dia lo Bible diata ɔnɛ kem’edja anto tshɛ wayonga la mbo ya ndɛ y’amɛna efula.” Adia Osambu 104:14, 15.