Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ k’enanɛi

“Ɛlɔ kɛnɛ, anto mbɔsaka Yeso mbala efula paka oko wakinde ambeta oko ɛnɔnyi nunu pende, mbuta ate oko ɔn’ashashi letanyishawɔ lo dihole dialeshawɔ waa nyama kana oko onto lohanemi l’otamba w’asui. Ko oko le yɛ, kakɔna kasala Yeso kakianɛ? [Tshikande akadimole.] Tende kɛnɛ kata periodikɛ kɛnɛ.” Oma lâsɔ sha ompokami ayɛ Tshoto y’Etangelo ya Ngɔndɔ k’enanɛi lushi ɔtɔi ndo nyɔsɛdingole awui wofundami l’ɛse k’ɔtɛ a dui wele lo lɛkɛ 16 ndo nyadia kânga divɛsa ɔtɔi dioshilami laawɔ. Shande periodikɛ yakɔ hiende ndo nyokane lushi layonyoyɔkɛtshanya dimbola diayela.

Tshoto y’Etangelo Ngɔndɔ k’enanɛi 1

“Anto efula mbetawɔka osalelo wa ahindo. Akina hawetawɔ dui sɔ. Onde wɛ fɔnyaka dia ahindo salemaka mɛtɛ? [Tshikande akadimole.] Daka nɛ diendana la dihindo dimɔtshi diayosalema lo nshi yayaye mbishaka anto efula elongamelo. [Adia divɛsa dimɔtshi l’atei wa avɛsa wele lo lɛkɛ 9-10.] Periodikɛ kɛnɛ nembetshiyaka awui asato wakonya anto diaha mbetawɔ awui wendana la ahindo.”

Réveillez-vous ! Ngɔndɔ k’enanɛi

“Ɛlɔ kɛnɛ, efula mbokaka wɔma dia ntomba vɔamɛ l’andja, djekoleko naka wonya ambodja. Onde wɛ fɔnyaka dia ekɔ dui dimɔtshi diakoka salema l’andja ɔnɛ dia nkitshakitsha awui wa ngala? [Tshikande akadimole.] Periodikɛ kɛnɛ mɛnyaka akambo amɔtshi wakokaso nsala dia wɔladi ndeka monga lam’asaso l’anto akina. Tɔ mɛnyaka nto woho wayokotshama prɔfɛsiya k’eketshelo kɛnɛ.” Adia Osambu 72:7.