Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ k’enanɛi

“Suke l’onto tshɛ nɔmbaka mbala la mbala. Oyadi anto wahetawɔ ɔnɛ Nzambi ekɔ nɔmbaka etena katanemawɔ l’okakatanu. Onde wɛ fɔnyaka dia Nzambi pokamɛka alɔmbɛlɔ tshɛ?” Tshikande akadimole. Ɛnyande lɛkɛ l’ekomelo la Tshoto y’Etangelo ya Ngɔndɔ k’enanɛi 1 ndo nyɔsɛdingole kaamɛ awui wele l’ɛse ka dimbola dia ntondo ndo oma laasɔ, nyadia divɛsa dimɔtshi latei w’avɛsa wele laawɔ. Shande periodikɛ yakɔ, ndo nyookane etena kayoyokalola dia nyu ndjɔsɛdingola dimbola dikina.

Diewoyelo: Mbɔtwɛlɔ kɛnɛ pombaka salema lo losanganya l’otsha l’olimu w’esambishelo la Ngɔndɔ k’enanɛi 3.

Tshoto y’Etangelo Ngɔngɔ k’enanɛi 1

“Takaye dia ndjokenda nɛ dia anto wekɔ lo ndjakiyanya lo woho wamboleka wendelo w’esato wɛnyawɔ anto etakataka fulanɛ. Koko, anto efula mbutaka dia wendelo w’esato wɛnyawɔ anto etakataka ekɔ tsho yoho mɔtshi ya nkɔkɔla demba yele bu kɔlɔ. Ko wɛ atayɛ lo dikambo sɔ? [Tshikande akadimole.] Yeso akate dia sho koka mbeya dia dui dimɔtshi diekɔ dimɛna oma l’etombelo adiɔ. [Adia Mateo 7:17.] Periodikɛ kɛnɛ mɛnyaka etombelo waya oma lo wendelo w’esato wɛnyawɔ anto etakataka. Tɔ mɛnyaka nto woho wakoka onto ntshika wendelo w’esato ɛsɔ.”

Réveillez-vous ! Ngɔndɔ k’enanɛi

“Sho tshɛ kombolaka nsɛna edja efula. Ko onde wɛ fɔnyaka di’ehamelo wambosalema l’awui wa siansɛ ayokimanyiya di’anto nsɛna pondjo pondjo? [Tshikande akadimole.] Ohenda daka di’ohomba efula nɛ. [Adia 1 Kɔrɛtɔ 15:26.] Ko ngande wayokotsha Nzambi dui sɔ, onde l’ekimanyielo ka siansɛ kana k’awui akina? Lande na katshundaso ndo kavɔso? Periodikɛ kɛnɛ mɛnyaka ekadimwelo washa Bible lo ambola asɔ.”