Bɛnyɛlɔ dia mbɔtwɛlɔ

(Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ k’esambele

“Oko le yɛ, ngande wayaoka Nzambi lo kɛnɛ kendana la alɔmbɛlɔ aso? Onde wɛ fɔnyaka dia nde mbɔsaka alɔmbɛlɔ aso la nɛmɔ kana nde mbahokamɛka tsho?” Tshikande akadimole. Ɛnyande lɛkɛ l’ekomelo la Tshoto y’Etangelo ya Ngɔndɔ k’esambele 1, ndo nyɔsɛdingole awui wele l’ɛse ka dimbola dia ntondo ndo nyadia kaanga divɛsa ɔtɔi dioshilami. Shande periodikɛ ndo nyokane lushi layoyokalola dia nyu ndjɔkɛtshanya dimbola dikina.

Tshoto y’Etangelo Ngɔndɔ k’esambele 1

“Lam’ele Nzambi ekɔ Kanga-Wolo-Tshɛ, onde wɛ fɔnyaka dia nde mbele lo kiɔkɔ y’akambo wa kɔlɔ tshɛ wasalema l’andja ɔnɛ? [Tshikande akadimole. Oma laasɔ, adia Jakɔba 1:13.] Periodikɛ kɛnɛ nembetshiyaka lande na kasalema akambo wa kɔlɔ ndo kɛnɛ kayosala Nzambi dia nkomiya akambo wa kɔlɔ tshɛ ndo asui.”

Réveillez-vous ! Ngɔndɔ k’esambele

“Kotamba kolembɔ, suke l’onto tshɛ ndjondamaka la woho ɔmɔtshi wa mpokoso, ɛnyɛlɔ mpokoso k’oma lo diangɔ diakatongama, hemɔ kadja lɔsɛnɔ lo waale kana nyɔi ka lakiso ɔmɔtshi lokaso ngandji. Etena katomba akambo asɔ, onde wɛ mbeyaka di’ekɔ ohomba sho mɛna akambo la sso di’ɔlɔlɔ? [Tshikande akadimole.] Anto efula wakɛnyi dia Bible koka mbakimanyiya etena kadiɛnɛwɔ l’ekakatanu. [Adia Rɔmɔ 15:4.] Periodikɛ kɛnɛ mɛnyaka woho wakoka Bible tokimanyiya etena katokomɛ mpokoso kɛmɔtshi.”