Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)
Woho wa ntatɛ mbeka l’anto Bible lushi la samalo la ntondo la ngɔndɔ k’Esambele
“Anto efula mbutaka ɛtɛkɛta wa lo dɔmbɛlɔ dia Shɛso ɛnɛ oma l’ɔtɛ: ‘Diulelu diaye diayi. Lulangu laye latshami la kete uku atshamalo l’ulungu.’ Afɔnyayɛ alembetshiya Diolelo sɔ? [Tshikande akadimole.] Divɛsa dia lo Bible nɛ toshaka okadimwelo.” Adia Danyele 2:44. Oma lâsɔ, ko wɛ mbisha ompokami ayɛ Tshoto y’Etangelo ya ngɔndɔ k’Esambele 1. Nyadia ndo nyɔkɛtshanya akambo wele l’ɛse k’ɔtɛ a dui wa ntondo wele lo lɛkɛ 16. Shande periodikɛ ndo nyokane lushi layoyotshɔ lakande dia nyu tɔsɛdingola okadimwelo wa dimbola dikina.
Tshoto y’Etangelo ngɔndɔ k’Esambele 1
“Lam’ele lɔsɛnɔ lekɔ mondo ndo lambolola l’ekakatanu, anto efula ndjambolaka dia kana lɔsɛnɔ lekɔ mɛtɛ l’oyango. Onde wɛ lawɔ atayambolaka dimbola sɔ? [Tshikande akadimole.] Bible tolakaka dia lɔsɛnɔ halotshikala paka nganɛ oto. [Adia Enyelo 21:4.] Periodikɛ kɛnɛ tɛkɛtaka dikambo dia sangwelo diaki Nzambi diendana la nkɛtɛ ndo tɔ mɛnyaka awui wakokaso nsala dia sho monga la lɔsɛnɔ lele l’oyango ntatɛ oma ko kakianɛ.”
Réveillez-vous ! ngɔndɔ k’Esambele
Shila mpokoso kɛmɔtshi keke kasalema. Oma lâsɔ, ko wɛ mbuta wate: “Oko le yɛ, lande na katshika Nzambi dia akambo wa ngasɔ salema? [Tshikande akadimole.] Lo ndjela Bible, Nzambi mbokaka anto wasowa kɛtshi. [Adia Etumbelu 3:7.] Bible totɛka nto lande na katshika Nzambi asui ndo ɔnɛ kem’edja nde ayanga mbashidiya lo pondjo. Periodikɛ kɛnɛ nembetshiyaka woho wayondosala dui sɔ.”