Wolo wele la Ɔtɛkɛta wa Nzambi l’olimu aso w’esambishelo

Etena katosha onto ɔmɔtshi diaaso dia sho mbosambisha, sho kambaka la diɔ lo yoho ya dimɛna ndo shihodiaka wolo wele l’Ɔtɛkɛta wa Nzambi lo mbadiɛ mbala kakɔ ɔtɔi divɛsa dimɔtshi oma lo Bible. Dui sɔ diakaleke tɔtɔmiyama lo Losanganya la laande la lushi ɔtɔi l’ɔnɔnyi w’etshi. Omendji w’otshimbedi akasha sawo diele l’ɔtɛ a dui ɔnɛ: “Wolo wele la Ɔtɛkɛta wa Nzambi l’olimu aso w’esambishelo.” Onde wɛ akohɔ akambo amɔtshi w’ohomba wakatama lɔkɔ?

• Lande na kele Ɔtɛkɛta waki Jehowa ndeka waso wolo?—2 Tim. 3:16, 17.

• Ngande wemula Bible nsaki, kalɔngɔsɔlatɔ yimba yaso, kɛdiatɔ ekanelo kaso ndo kasɛdingolatɔ etsha aso?—Enda Tshoto y’Etangelo ya Ngɔndɔ ka samalo 15, 2012, lk. 27, od. 7.

• Etena kadiɛso onto ɔmɔtshi divɛsa dimɔtshi l’esambishelo, ngande wakokaso nkotola yambalo ya nde l’Ɔtɛkɛta wa Nzambi lo yoho yakokande mbowɔsa la nɛmɔ?—Enda dibuku Kalasa k’olimu, lk. 148, od. 3-4 ndo Olimu aso wa Diolelo wa Ngɔndɔ ka sato 2013, lk. 6, od. 8.

• Lande na kele ekɔ ohomba sho nembetshiya ndo nkana l’onto yimba lo divɛsa diakatadie ndo ngande wakokaso nsala dui sɔ?—Ets. 17:2, 3; enda dibuku Kalasa k’olimu, lk. 154, od. 4 polo lk. 156, od. 5.