Tolowanya akoka aso wa nsambisha—Lo ntatɛ wekelo wa Bible wa lo tshena pe lo nkamba la biukubuku Lokumu l’ɔlɔlɔ l’oma le Nzambi!
Ohomba wa dikoka sɔ: Dia mbetɛ anto ambeki, sho pombaka monga embetsha w’Ɔtɛkɛta wa Nzambi. (Mat. 28:19, 20) Onto tshɛ la l’atei aso koka mbetsha akambo wa mɛtɛ dimɛna lo nkamba la dihomɔ dialongolaso. Biukubuku Lokumu l’ɔlɔlɔ l’oma le Nzambi! ekɔ ehomɔ kakalɔngɔsɔma dia tokimanyiya dia sho mbetsha anto akina akambo wa mɛtɛ. Diakɔ diele, sho koka nkamba la yɔ dia ntatɛ wekelo wa Bible wa lo tshena pe mbala ka ntondo katanaso ompokami lakande.
Hemba nsala nganɛ lo ngɔndɔ kɛnɛ:
Onga la nsaki ka nɔmbɔla wekelo. Ndo nto, lɔmba Jehowa dia nde kokimanyiya dia ntatɛ la wekelo wa Bible ndo lo monga ombetsha wa manamana w’akambo wa mɛtɛ.—Flpɛ. 2:13.
Etena kasalanyu ɔtɛmwɛlɔ wa lo nkumbo kana wekelo w’onto ndamɛ, ɔsa etena ka mbeka mbɔtwɛlɔ kayɛ. Wɛ koka ntɛkɛta l’eshikikelo ndo ntatɛ wekelo wa Bible wa lo tshena pe etena keyɛ l’esambishelo.