Tolowanya akoka aso wa nsambisha—Lo ndowanya eyoyo

Ohomba wa dikoka sɔ: Ambeki w’eyoyo waki Yeso pombaka mbeka dia nkitanyiya “akambo tshɛ” wakandawadjangɛ, l’atei awɔ mbelo ndo mbetsha akambo wa mɛtɛ le anto akina. (Mat. 28:19, 20) Eyoyo efula wamboshilaka la nkotsha kɛnɛ kalɔmbama dia mfundja lokombo lo Kalasa k’olimu wa teokrasi, ondo ndo vɔ wambosambishaka ase nkumbo ndo angɛnyi awɔ lo tshakitudi. Koko, etena katawaleke monga la lowando lo kɛnɛ kekawɔ ndo etena keyawɔ ɔnɛ Jehowa nangaka dia anto tshɛ mboka lokumu l’ɔlɔlɔ, vɔ mbeyaka monga la nsaki ka mbisha lonya lo olimu w’esambishelo. (Rɔmɔ 10:13, 14) L’ɔkɔngɔ wa eyoyo mbetawɔma oko ampandjudi wahatabatizama, olowanyelo w’oshika ayowakimanyiya dia vɔ ndeka monga l’etete etena katawatakola nna di’ohomba sɔ lo ohamelo awɔ wa lo nyuma.—Luka 6:40.

Woho wa nsala dui sɔ:

Kimanyiya opandjudi w’oyoyo dia nde nkondja ekanda wayondonga l’ohomba dia nsambisha ndo mbetsha. Ɛnyande woho walɔngayɛ tapa di’otsha l’esambishelo ndo lembetshiyande oyango w’okanda tshɛ watatshu la yɛ.
Kaamɛ la nde, sɔna ɛnyɛlɔ ka mbɔtwɛlɔ kɛmɔtshi k’oma lo Olimu aso wa Diolelo ndo nyokambe la tɔ. Keketsha oyoyo dia nde nkamba la mbɔtwɛlɔ lo ɛtɛkɛta ande hita. Nyokambe la lokongɛ l’oma lo dibuku Kalasa k’olimu lɛkɛ 82, lɔnɛ laleka nkamba lanyu l’ɛtshi kanyu ka nkɛtɛ. Tɔtɔmiya ohomba wa monga la ɔlɔtɔ ndo wonyelo wa divo wele la wɛdimo.—2 Kɔr. 6:3, 4.
Tetemala mbisha olowanyelo. Ɛnya opandjudi w’oyoyo kartɛ ka ɛtshi ka nkɛtɛ ndo etshande woho wa nde nkamba la nɔtɛ ka lo luudu la luudu. Nsala wɛnyɛlɔ dia mɛnya woho wa mbɔsa nɔtɛ le anto wambɛnya nsaki. Etshande woho wa nkamba la jw.org lo esambishelo ndo biukubuku Une bonne nouvelle pour des gens de toutes nations. Kimanyiyande dia nde nomialomia nsaki kɛnyisha onto.—1 Kɔr. 3:6.
Onga la nsolo dia lotutsha ndo andolande (Tuk. 25:11) Onga ɛnyɛlɔ k’oshika. Ohetoheto ayɛ ndo woho wayashayɛ le nde ayonga l’etombelo w’ɛlɔlɔ l’ɛnɔnyi w’otsha la ntondo.

Hemba nsala nganɛ lo ngɔndɔ kɛnɛ:

Sambisha kaamɛ l’ombeki ayɛ lo esambishelo ka lo luudu la luudu ndo ɔsande dia tembola onto ɔmɔtshi kana dia teka l’ombeki ayɛ wa Bible. Naka wɛ bu l’ombeki, lɔmba opandjudi wele bu la diewo dia nsambisha kaamɛ la yɛ.