Towalowanya dia vɔ ntetemala kambɛ Jehowa

Awui weta mɛnyaka dia apandjudi w’eyoyo walowanyema oma l’etatelo dia sambishaka mbala la mbala ndo l’ohetoheto mongaka mbala efula apandjudi w’eshika. (Tok 22:6; Flp 3:16) Ɔnɛ ele alako amɔtshi wakokayɛ nkimanyiya ombeki dia nde nkɛnɛmɔla ehikamelo ka dimɛna l’olimu w’esambishelo:

• Kamawetawɔma ombeki ayɛ oko opandjudi, tatɛ mbolowanya. (km 8/15 1) Ɛnyande ohomba wa mbidja olimu w’esambishelo lo ekongelo k’akambo wahombande salaka lomingu la lomingu. (Flp 1:10) Tɛnde akambo w’ɛlɔlɔ etena kawoshayɛ alako wendana la ɛtshi ka nkɛtɛ. (Flp 4:8) Keketshande dia nde nkamba kaamɛ la omendji w’olui ndo apandjudi akina l’oyango wa nde nkondja wahɔ oma lo diewo diawɔ.​—Tok 1:5; km 10/12 6 od. 3

  

• L’ɔkɔngɔ w’ombeki ayɛ nongola batisimu, tohekɔke dia mbokeketsha ndo lowanyande l’olimu w’esambishelo, djekoleko naka nde atashidiya mbeka dibuku ‘Ngandji ka Nzambi’.​—km 12/13 7

  

• Etena katayasambisha wɛ la opandjudi w’oyoyo, kamba la mbɔtwɛlɔ ka wɔdu. L’ɔkɔngɔ wa wɛ mboka mbɔtwɛlɔ kande, andolande l’ɔngɛnɔngɛnɔ tshɛ. Shande alako wayowokimanyiya dia nde nyomoleka monga opandjudi w’oshika.​—km 5/10 7