Woho wa nɔmbɔla wekelo lo nkamba la biukubuku Lokumu l’ɔlɔlɔ

Adia dimbola diofundami l’alɛta w’edima dia nkimanyiya ompokami dia nde mbidja yimba lo dui di’ohomba.

Adia odingɔ wayela.

Adia avɛsa wofundami l’alɛta wa lolasha ndo nkamba l’ambola wa l’ɔkɔmi dia nkimanyiya ompokami dia nde mɛna woho wakadimola avɛsa lo dimbola.

Naka odingɔ okina wekɔ l’ɛse ka dimbola, kete kalolɛ dui dia 2 ndo 3. Naka vidɛo mɔtshi yekɔ oma lo jw.org yɔtɔnɛ la dimbola, ɛnyayɔ wonya wakɛtshanyanyu.

Dia ndjashikikɛ dia ombeki amboshihodia dui di’ohomba sɔ, mbolande dia nde nkadimola lo dimbola.