Tolowanya akoka aso wa nsambisha—Lo mɛnya onto woho wekaso l’anto Bible lo nkamba la dibuku Bible etshatɔ
Ohomba wa dui sɔ: Mbeyaka monga ko anto efula hawoshihodia kɛnɛ kalangaso mbuta etena kataso ɔnɛ sho mbekaka l’anto Bible ofele la wakawɔ. Vɔ koka mfɔnya ɔnɛ tekɔ lo mbalɔmba dia nsangana lo olui ɔmɔtshi wa wekelo kana ndjelaka wetshelo ɔmɔtshi oma l’etale. Lo dihole dia ntatɛ tsho mbeka l’onto, shi wɛ koka mbɛɛnya woho wekaso l’anto Bible? Wɛ koka mɛnya onto lo minitɛ ngana tsho kaanga wemema woho wele mbeka Bible ekɔ wɔdu ndo kimanyiyaka onto dia mbeya akambo efula.
Woho wa nsala dui sɔ:
• L’ɔkɔngɔ wa ndjaeyanya le ompokami ayɛ, mbolande kana nde ndjakiyanyaka lo dikambo dia nshi yande yayaye.
• Tɛnde dia anto efula wekɔ l’okakatanu akɔ waamɛ ndo ɛnyande ɛtɛ w’awui wele lo dibuku Bible etshatɔ. Lembetshiyande dia dibuku nɛ diekɔ la wetshelo wokɛma hwe wɛnya kɛnɛ ketsha Bible lo dikambo dia nshi yayaye ndo akambo akina, oma laasɔ mbolande tshapita yambondɔngɛnangɛna lɔkɔ.
• Shande dibuku dimɔtshi ndo lɔmbɔlande lo tshapita yɔsɔnyinde. Lembetshiyande dia ambola wele l’etatelo ka tshapita kadimwama lo edingɔ wayela.
• Lɔmba ompokami ayɛ dia mbadia odingɔ wa ntondo naka nde koka nsala dui sɔ. Oma laasɔ, adia dimbola diendana l’odingɔ akɔ ndo nyoyange okadimwelo kaamɛ. Nyadia ndo nyɔkɛtshanya avɛsa woshilami wasukɛ okadiwelo. Ɛnyande woho wakayekɛ eshidi l’ahole wele ekadimwelo lo dibuku diayɛ.
• Nyɔsɛdingole odingɔ wayela, koko mbala kɛnɛ lɔmba ompokami ayɛ dia mbisha okadimwelo wa dimbola lo ɛtɛkɛta ande hita.
• Andolande ndo okana la nde dia ndjowenda l’oyango wa ndjoshidiya wekelo.
• Naka kokaka, kotola yambalo yande lo vidɛo yele lo jw.org yele l’ɔtɛ a dui ɔnɛ: Comment se passe un cours Biblique?
Hemba nsala nganɛ lo ngɔndɔ kɛnɛ:
• Lɔmba Jehowa dia nde ntshɔkɔla welo wadjayɛ dia ntana onto la ntatɛ mbeka la nde Bible.—Flp. 2:13.
• Ɛnya woho wekaso l’anto Bible lo nkamba la dibuku Bible etshatɔ kana, ɛnya vidɛo yele l’ɔtɛ a dui ɔnɛ: Comment se passe un cours Biblique? mbala ka ntondo kahomanayɛ l’onto l’esambishelo.