Bɛnyɛlɔ dia mbɔtwɛlɔ

Dimbola: Anto amɔtshi wekɔ la taamu dia kana Yeso mɛtɛ akikɔ, etena kele akina wekɔ l’eshikikelo dia nde akikɔ. Ndo akina mbutaka dia ndooko woho wakoka dui sɔ shikikɛma. Ko, naa kanyi yayɛ?

Woho wa mbisha: Réveillez-vous ! ɔnɛ mɛnyaka tolembetelo ta dui sɔ.

Dimbola: Ngande wayalaso etena kavɔso?

Divɛsa: Jni 11:11-14

Mɛtɛ: Etena kavɔ onto, lɔsɛnɔ lande komɛka. Diakɔ diele, sho hatohombe mboka onto lambovɔ wɔma. Yeso akɛdika nyɔi la djɔ. Oko wakandasale la Lazaro, Yeso ‘ayemula’ wakiso wa ngandji wakavu dia vɔ nsɛna nto la nkɛtɛ.—Jobo 14:14.

Woho wa mbisha: Dimi nangaka kelɛ dia wɛ ndjohokamɛ sawo di’oma lo Bible. Diɔ diayoshama lo Mbalasa ka Diolelo, dihole diaso di’ɔtɛmwɛlɔ. [Shande dikatshi dia leeta di’oya lo losanganya, funda wonya, dihole dia losanganya la lo wikɛndɛ ndo tɛnde ɔtɛ a dui wa sawo dia lo sɛkɛ.]

Dimbola: Onde wɛ ambotshɔka lo Mbalasa ka Diolelo lushi lɔmɔtshi? [Naka kokaka, ɛnyande vidɛo yele l’ɔtɛ a dui ɔnɛ Kakɔna kasalema lo Mbalasa ka Diolelo?]