Woho wa mbisha kɔmatɛrɛ y’amɛna

Kɔmatɛrɛ y’amɛna keketshaka etshumanelo. (Rɔ 14:19) Yɔ yekɔ la wahɔ ndo le wanɛ wayisha. (Tuk 15:23, 28) Ɔnkɔnɛ, sho pombaka nsala la wolo dia mbisha kaanga kɔmatɛrɛ ɔtɔi lo losanganya tshɛ. Kɛnɛ kele mɛtɛ ele, aha mbala tshɛ kayotemɛka lonya mbayowotoshaka kɔmatɛrɛ. Diakɔ diele, ndeka dimɛna sho nɔngɔsɔlaka kɔmatɛrɛ efula.

Kɔmatɛrɛ ka dimɛna . . .

• kekɔ wɔdu, mbokɛmaka hwe ndo tshena pe. Mbala efula tɔ koka mbishama l’edja ka sekɔndɛ 30 kana l’ɛse

• mbishamaka lo ɛtɛkɛta ayɛ hita

• bu l’ohomba wa kalolɛ kɔmatɛrɛ kakashami

Naka wambokɔsɔna dia mbisha kɔmatɛrɛ ka ntondo kete . . .

• sha okadimwelo wa wɔdu ndo wasembɔ tɔɔ lo dimbola

Naka dimbola diakakadimɔmi, kete wɛ koka . . .

• mɛnya woho wɔtɔnɛ divɛsa dimɔtshi dioshilami la kɛnɛ katasɛdingɔma

• mɛnya woho wele dikambo diakɔ la shɛngiya lo nsɛnɔ yaso

• nembetshiya woho wakokaso nkamba l’awui akɔ

• kɔndɔla lo tshena pe dui dimɔtshi diaka epole ɔsɛkɛ lo kɛnɛ katasɛdingɔma