“Lɛmiya shɔ la nyɔ”

Lam’aki Yeso la nkɛtɛ, nde akatɔtɔmiya didjango nɛ: “Lɛmiya shɔ la nyɔ.” (Eto 20:12; Mat 15:4) Yeso mɛtɛ akate awui hwe hwe nɛ dia nde “akakitanyiyaka” ambutshi ande etena kakinde dikɛnda. (Luk 2:51, nɔtɛ) Etena kakinde opalanga, nde akasale tshɛ dia vɔ nkokɛ nyango l’ɔkɔngɔ wa nyɔi kande.​—Jni 19:26, 27.

Lo nshi yaso nyɛ nto, Akristo w’akɛnda wakitanyiya ambutshi awɔ ndo watɛkɛta la wɔ la dilɛmiɛlɔ tshɛ mɛnyaka dia vɔ mbashaka nɛmɔ. Lo mɛtɛ, didjango dia nɛmiya ambutshi aso bu la elelo. Kaanga l’ɔkɔngɔ w’ambutshi aso monga epalanga, sho pombaka ntetemala mbalɛmiya lo nkondja wahɔ oma lo lomba lawɔ. (Tok 23:22) Sho mɛnyaka nto dia sho nɛmiyaka ambutshi aso w’epalanga lo mbakokɛ ndo lo mbakimanyiya la falanga lo ndjela ehomba awɔ. (1Ti 5:8) Oyadi tekɔ akɛnda kana epalanga, nyɛsɔ totetemale sawolaka dimɛna la ambutshi aso nɛ dia ɔsɔ ekɔ yoho y’oshika ya mbalɛmiya.

NYENDE VIDƐO YA OSANGELO WA LO DIBAYA YELE L’ƆTƐ A DUI ƆNƐ: NGANDE WAKOKAMI NSAWOLA LA AMBUTSHI AMI? NDO OMA LAASƆ, NYOKADIMOLE LO AMBOLA WAYELA ANƐ:

• Lande na kakokayɛ mɛna dia ekɔ dui dia wolo nsawola la ambutshi ayɛ?

• Ngande wakokayɛ mɛnya dilɛmiɛlɔ diayɛ otsha le ambutshi ayɛ etena kasawolayɛ la wɔ?

  

• Lande na kele ekɔ dimɛna mbidja welo dia nsawola la ambutshi ayɛ? (Tok 15:22)