“Nyosungukalake”

25:1-12

Kaanga mbele Yeso akatɔlɔnganya wɛɛla w’esekaseka dikumi wa dimuma otsha le ambeki ande w’akitami, losango l’ohomba la lɔkɔ mendanaka l’Akristo tshɛ. (w15 3/15 12-16) “Ɔnkɔnɛ nyosungukalake, nɛ dia hanyeye lushi kaanga wonya.” (Mat 25:13) Onde wɛ koka nembetshiya wɛɛla wa Yeso?

• Otshuki a wadi (div. 1)​—Yeso

• Esekaseka wa tɔkɛsɔ wakayalɔngɔsɔla (div. 2)—Akristo w’akitami wayalɔngɔsɔla lo mɛmba ɛkɛndɛ awɔ la kɔlamelo tshɛ ndo wahɛta oko esase polo l’ekomelo (Flp 2:15)

• Wakawelɛ ɔnɛ: “He otshuki a wadi amboya!” (div. 6)—Tolembetelo ta woongelo wa Yeso

• Esekaseka wa dinginya (div. 8)​—Akristo w’akitami watshɔ dia tohomana l’Otshuki a wadi koko hawotetemala nsungukala ndo hawolame olowanyi awɔ

• Esekaseka wa wa tɔkɛsɔ wakatone nkaha esɔ kawɔ (div. 9)—L’ɔkɔngɔ wa djembetelo y’ekomelo, ayonga ko hayokoka dia Akristo w’akitami wa kɔlamelo nkimanyiya wanɛ tshɛ wahatonga la kɔlamelo

• “Otshuki a wadi akaye.” (div. 10)​—Yeso ayela elombwelo kande suke la ekomelo ka mfɔnu ka woke

• Esekaseka wa tɔkɛsɔ wakɔtɔ lo fɛtɛ ka diwala la otshuki a wadi, ndo lokuke lakadihama (div. 10)​—Yeso ambotshumanya akitami ande wa kɔlamelo otsha l’olongo, koko wanɛ wahatonga la kɔlamelo wayoshisha difuto diawɔ dia l’olongo