Tewɔ tolonga t’oma lo Réseaux sociaux

OHOMBA WA DIONGA SƆ: L’ɛnyɛlɔ ka dihomɔ efula, réseaux sociaux koka tokimanyiya kana monga waale efula. Akristo amɔtshi tonaka dia nkamba la réseaux sociaux. Akristo akina kambaka la réseaux sociaux dia tetemalaka nsawola l’ase nkumbo ndo angɛnyi. Koko Diabolo nangaka dia sho nkamba la réseaux sociaux lo yoho ya kɔlɔ ya koka ndanya lokumu laso ndo lonyuma laso. L’ɛnyɛlɔ ka Yeso, sho koka nkamba l’atɔndɔ w’oma l’Ɔtɛkɛta wa Nzambi dia mbeya waale ndo mbewɔ.​—Luka 4:4, 8, 12.

TOLONGA TAHOMBASO MBEWƆ:

• Okambelo wa la réseaux sociaux lo tshamba ndeko. Wetshelo wa wenya efula lo kambaka la réseaux sociaux kokaka toshishiyɛ wenya aso wele ohomba wahombaso mbetsha l’awui wa lo nyuma

  Atɔndɔ wa lo Bible: Ɛf 5:15, 16; Flp 1:10

• Wendelo w’awui wavɔwɔ tshɔda. Wendelo w’esato wa kɔlɔ kokaka tokonya lo monga la mbekelo ka mendaka esato wɛnyawɔ anto etakataka kana l’awui wa mindo. Wadielo w’ekanda wa waa apɔsta kana fundanɛ la wɔ mesajɛ kokaka ndanya mbetawɔ k’onto

  Atɔndɔ wa lo Bible: Mat 5:28; Flp 4:8

• Mbidja kɔmatɛrɛ ya kɔlɔ kana foto. Lam’ele otema w’onto wekɔ lokeso, onto ɔmɔtshi mbeyaka tshutshuyama dia mbidja kɔmatɛrɛ kana foto ya kɔlɔ lo réseau social ɔmɔtshi. Koko, dui sɔ koka ndanya lokumu l’onto kana nkonya dia mbetawɔ kande monga wɔdu

  Atɔndɔ wa lo Bible: Rɔmɔ 14:13; Ɛf 4:29

NYENDE VIDƐO YELE L’ƆTƐ A DUI ƆNƐ: ONGA LA YEWO LO RÉSEAUX SOCIAUX, NDO OMA LAASƆ NYOVUSOLE WOHO WA MBEWƆ AWUI WAYELA ANƐ: