Tolowanya akoka aso wa nsambisha woho wa​—nkamba la JW.ORG

OHOMBA WA DIKOKA SƆ: Okanda tshɛ watanema lo Ɛngɔ kombaso dihomɔ dia mbetsha tɔlaka anto lo jw.org. Lo mɛtɛ, oyango woleki woke wa kartɛ ka woho wa mbɔtɔ lo jw.org ndo wa traktɛ kele l’ɔtɛ a dui ɔnɛ: Lende akokaso ntana ekadimwelo lo ambola w’ohomba wa lo lɔsɛnɔ? ele wa nɔmbɔla anto otsha lo sitɛ kaso k’Ɛtɛrnɛtɛ. Wɛ koka nkahɛ onto okanda ɔmɔ oma lo Ɛngɔ kombaso dihomɔ dia mbetsha lo nkamba la jw.org lo tomɛ onto kɔpi kɛmɔ lo mesajɛ wa l’Ɛtɛrnɛtɛ kana lo mbosalɛ shambo yakokande klikɛ ko nde nkoma laawɔ mbala kakɔ ɔtɔi. Dui sɔ koka ndeka monga ohomba efula djekoleko etena kasambishaso onto latɛkɛta ɔtɛkɛta okina. Laadiko dia laasɔ, anto mbeyaka mboka ambola wele ekadimwelo awɔ wekɔ l’ekanda aso waha bu lo Ɛngɔ kombaso dihomɔ dia mbetsha. Naka sho mbeya woho wa nkamba la sitɛ kaso k’Ɛtɛrnɛtɛ, kete tayoleka monga l’etombelo w’ɛlɔlɔ l’olimu aso w’esambishelo.

WOHO WA NSALA DUI SƆ:

• 

  Kamba la etenyi ka “WETSHELO WA LO BIBLE”. Ohɔsa dia wɛ ekɔ lo nsambisha ombutshi ɔmɔtshi walanga mbeya awui akina lo dikambo dia wodielo w’ana. Ɔtɔ lo WETSHELO WA LO BIBLE > DIWALA & NKUMBO.

• Kamba la etenyi ka “EKANDA”. Ohɔsa dia wɛ ekɔ lo tasambisha lo tshakitudi la kalasa ndo wɛ ekɔ lo nanga kahɛ osekayɛ la la kalasa biukubuku yele l’ɔtɛ a dui ɔnɛ: Ekadimwelo lo ambola 10 wayaoka ɛlɔngɔlɔngɔ. Ɔtɔ lo EKANDA > ABUKU & TOBUKUBUKU.

• Kamba la etenyi ka “AWUI WENDANA LA SO”. Ohɔsa dia wɛ ekɔ lo nsambisha osekayɛ ɔmɔtshi lalanga mbadia elembetshielo wa lo tshena pe wa waetawɔ aso. Ɔtɔ lo AWUI WENDANA LA SO > AMBOLA WALEKA ANTO NDJAOKA.

ENDA VIDƐO YELE L’ƆTƐ A DUI ƆNƐ: WOHO WA NKAMBA LA JW.ORG, NDO OMA LAASƆ ENDA ETENYI KAKƆNA KA LO SITƐ KASO K’ƐTƐRNƐTƐ KAKOKAYƐ MBƆTƆ DIA NKIMANYIYA:

• onto ɔmɔtshi lahetawɔ dia Nzambi ekɔ

• onto ɔmɔtshi laki oma la mpomɔ mpokoso

• ɔnangɛso kana kadiyɛso kɛmɔtshi kahayosambisha

• onto ɔmɔtshi lele sho oma la tosala wendelo w’oyoyo le nde, koko ekɔ lo ndjambola oma lɛnɛ aya falanga yakambema olimu aso

• onto ɔmɔtshi l’oma lo wodja okina lalanga mbɔtɔ losanganya lo wodja ande