Kondja lomba layokokimanyiya lo lɔsɛnɔ la lushi la lushi lo JW.ORG

Ɔtɛkɛta wa Nzambi toshaka kɛnɛ tshɛ kele la so ohomba dia ndɔshana l’ehemba wa lo nshi y’ekomelo ya wolo nyɛ. (2Ti 3:1, 16, 17) Koko lo ntena dimɔtshi, sho mongaka l’ohomba w’ekimanyielo dia ntana atɔndɔ wa lo Bible wendana la dui dimɔtshi shikaa. Ɛnyɛlɔ, onde wɛ ekɔ ombutshi wayanga alako lo woho wa mbodia ana? Onde wɛ ekɔ ɔlɔngɔlɔngɔ wele mbetawɔ kayɛ kekɔ lo mbidjama l’ohemba? Onde wɛ ekɔ l’ɔkɛyi l’ɔtɛ wakayavusha olonganyi ayɛ? Wɛ ayotana asawo lo jw.org wayokokonya l’atɔndɔ wa lo Bible wayokokimanyiya l’awui wele la yɛ ndo l’awui akina.​—Tok 2:3-6.

Lo lɛkɛ latomba ntondo lo jw.org, ɔtɔ lam’ofundjiwɔ WETSHELO WA LO BIBLE. (Enda osato 1.) Lo asawo wele laawɔ, sɔna wanɛ walangayɛ mbadia. Kana ɔtɔ lam’ofundjiwɔ BIBLIƆTƐKƐ > ƆNƆNGƆ W’ASAWO ndo sɔna asawo walangayɛ. (Enda osato 2.) Wɛ koka ntana asawo wa woho akɔ waamɛ lo JW Library^®.a Ondo wɛ ayɔngɛnangɛna mbadia asawo wele lo ahole asɔ. Dui dikina diakokayɛ nsala dia ntana asawo amɔtshi shikaa ele mfunda ɔtɛ a dui wayangayɛ lam’ofundjiwɔ ɔnɛ yanga lo jw.org.

Funda ɛtɛ w’awui akɔ lam’ofundjiwɔ ɔnɛ yanga ndo funda asawo walangayɛ mbadia.

• Wodielo w’ana

• Ɔkɔmwɛlɔ le akɛnda

• Etena kavusha onto olonganyi