Towese wetshelo waki Nzambi

OHOMBA WA DUI SƆ: Jehowa, Ombetsha a Woke toshaka wetshelo woleki tshɛ dimɛna. Nde tetshaka woho wakokaso ndowanya nsɛnɔ yaso ndo tɔlɔngɔsɔlaka dia sho ndjonga la nshi yayaye y’amɛna koko, hatofute falanga dia nkondja wetshelo ɔsɔ! (Isa 11:6-9; 30:20, 21; Ɛny 22:17) Lo tshimbo ya wetshelo ande, Jehowa toshaka nto kɛnɛ kele la so ohomba dia nsambisha anto akina losango lashimbɛ nsɛnɔ.​—2Kɔ 3:5.

WOHO WA NSALA DUI SƆ:

• Onga l’okitshakitsha ndo memakana.​—Os 25:8, 9

• Kondja wahɔ oma l’olowanyelo wakosha Jehowa oma ko kakianɛ, ɛnyɛlɔ lo mbetawɔ ɛkɛndɛ wakoshawɔ lo nsanganya ya l’atei a lomingu

• Yadjɛ eyango wa lo nyuma.​—Flp 3:13

• Yahondja dia nkotsha kɛnɛ kalɔmbama dia ndeka ndowanyema.​—Flp 3:8

NYENDE VIDƐO YELE L’ƆTƐ A DUI ƆNƐ: TAYA ƐNGƆNYI LO NYUMA DIƐSƐ LA WETSHELO WA JEHOWA NDO OMA LAASƆ, NYOKADIMOLE LO AMBOLA WAYELA ANƐ:

• Naa ekakatanu wakatondoya apandjudi amɔtshi dia mbɔtɔ lo Kalasa k’esambisha wa Diolelo?

• Olowanyelo akɔna washama lo Kalasa k’esambisha wa Diolelo?

• Ngande wakakimanyiya ase etshumanelo wanɛ wakɔtɔ Kalasa kɛsɔ lo ahole wakawaatome?

• Kakɔna kalɔmbama dia mbɔtɔ lo Kalasa k’esambisha wa Diolelo? (kr 189)

• Naa olowanyelo okina wakokayɛ mbesa l’okongamelo wa Jehowa?