Naa kanyi yaki Jehowa?

La ntondo ka mbɔsa tɛdikɔ ta weke kana ta totshitshɛ, toyambole ɔnɛ: ‘Naa kanyi yaki Jehowa?’ Kaanga mbahatakoke pondjo mbeya awui tshɛ wendana la kanyi ya Jehowa, nde tosholɛka awui efula l’Ɔtɛkɛta ande watokimanyiya dia nsala “olimu w’ɔlɔlɔ tshɛ.” (2Ti 3:16, 17; Rɔm 11:33, 34) Yeso akashihodia dimɛna lolango la Jehowa ndo akalietshaka lo dihole dia ntondo lo lɔsɛnɔ lande. (Jni 4:34) Tosale kɛnɛ tshɛ kakokaso nsala dia mbokoya Yeso lo mbɔsaka tɛdikɔ tangɛnyangɛnya Jehowa.—Jni 8:28, 29; Ɛf 5:15-17.

NYENDE VIDƐO YELE L’ƆTƐ A DUI ƆNƐ: TOTETEMALE NSHIHODIA ELE LOLANGO LA JEHOWA (LƐW 19:18), NDO OMA LAASƆ NYOKADIMOLE LO AMBOLA WAYELA ANƐ:

• Lande na kahombaso nkamba l’atɔndɔ wa lo Bible lo lɔsɛnɔ laso?

• Atɔndɔ akɔna wa lo Bible wakoka tokimanyiya dia nsɔna mishiki?

• Atɔndɔ akɔna wa lo Bible wakoka tokimanyiya l’ɔlɔtɔ ndo lo ɔlɔngɔswɛlɔ aso wa divo?

• Lo awui akɔna wa lo lɔsɛnɔ lami wahombami nkamba l’atɔndɔ wa lo Bible?

• Ngande wakokaso ndowanya akoka aso wa mbeya kɛnɛ kalanga Jehowa dia sho nsala?