AKAMBO W’OHOMBA W’OMA L’ƆTƐKƐTA WA NZAMBI | ETATELO 32-33

Onde wɛ ekɔ lo ndɔsha dia nkondja ɔtshɔkɔ?

Dia nkondja ɔtshɔkɔ oma le Jehowa, sho pombaka mbidja welo dia mbetɛ wahɔ wa Diolelo lo dihole dia ntondo lo nsɛnɔ yaso. (1Kɔ 9:26, 27) Etena kakambɛso Jehowa, sho pombaka monga la yimba yakɔ yaamɛ yaki la Jakɔbɔ etena kakandalɔ la ondjelo. Sho mɛnyaka dia sho nyangaka ɛtshɔkɔ wa Jehowa l’otema ɔtɔi lo . . .

Ndjalɔngɔsɔlaka dimɛna dikambo dia nsanganya
Ndjashaka mbala la mbala l’esambishelo
Nsala kɛnɛ tshɛ kakokaso nsala dia nkimanyiya anto akina lo nsanganya

Osato wele la tenyi efula: Womoto lele la wesanu efula. 1. Nde ekɔ lo nɔmba la ntondo ka lushi ntatɛ. 2. Nde ekɔ lo ndesha yana yande ya womoto la ntondo ka nde ntshɔ l’esambishelo. 3. Nde ekɔ lo tasambisha l’ɔngɛnɔngɛnɔ tshɛ kaamɛ la anande ahende wa wamato ndo akadiyɛso ango wayaye oma l’etshumanelo kande.

Aha la taamu, oyadi ekakatanu wakoka mpomana la yɛ, ayonga dimɛna wɛ ntetemala nɔmba Jehowa ekimanyielo ndo ntetemala nyanga ɛtshɔkɔ ande l’otema ɔtɔi dia wɛ mbokambɛ.

YAMBOLA ƆNƐ: ‘Lo toho takɔna ta lo lɔsɛnɔ lami takokami mbidja welo w’efula dia nkondja ɛtshɔkɔ wa Jehowa?’