Kamba l’awui weke katomba l’olimu ayɛ w’esambishelo

L’olimu ande w’esambishelo, Yeso akakambe l’awui weke katomba dia mbisha wetshelo. (Luk 13:1-5) Wɛ lawɔ koka nkamba l’awui weke katomba dia nomialomia nsaki y’anto lo losango la Diolelo. L’ɔkɔngɔ wa wɛ ntɛkɛta dikambo dia woho waya lɔsɛnɔ wolo kana dia mpokoso kɛmɔtshi k’oma lo diangɔ diakatongama, dia ta dia lam’asa ase wodja, dia woho wamboleka anto ndjasha lo nnɔ nnɔ dia wolo kana l’awui wele oko wasɔ, oka dimbola diatshutshuya onto dia nkana yimba. Wɛ koka mimbola ɔnɛ: “Onde wɛ fɔnyaka dia tayɛna ekomelo ka . . . ?” kana “Oko le yɛ, ngande wayokandɔma dikambo . . .?” Oma laasɔ, ɛnyande divɛsa dia lo Bible diatɛkɛta dia dikambo diakɔ. Naka onto akɔ ambɛnya nsaki, kete kotola yambalo yande oya lo vidɛo kana okanda ɔmɔtshi wa lo Dihɔmɔ diaso dia mbetsha. Oko wasalaso la wolo dia minanda etema w’anto wa l’ɛtshi kaso ka nkɛtɛ, ‘nyɛsɔ tosale akambo tshɛ lo wahɔ wa lokumu l’ɔlɔlɔ.’​—1Kɔ 9:22, 23.

Awui akɔna wakoka ngɛnyangɛnya anto wa l’ɛtshi kayɛ ka nkɛtɛ?