Onde wɛ ekɔ la mbetawɔ?

Dia ngɛnyangɛnya Jehowa, sho pombaka monga la mbetawɔ. Koko, Bible mbutaka ɔnɛ: “Aha anto tshɛ mbonga la mbetawɔ.” (2 Tɛs. 3:2) Ɔpɔstɔlɔ Pɔɔlɔ akate lo dikambo dia wanɛ wakɔhɛnyahɛnyaka wakandelɛ “anto wa ngala ndo wa kɔlɔ,” wakandayangaka dia ntshungɔ oma le wɔ. Koko kɛnɛ kakandate lo dikambo dia mbetawɔ, ekɔ mɛtɛ le anto akina. Anto amɔtshi tonaka dia mbetawɔ ɔnɛ Otungi ɔmɔtshi ekɔ, mbuta ate Nzambi. (Rɔmɔ 1:20) Anto akina koka nsɛma dia wekɔ la mbetawɔ le onto kana ɛngɔ kɛmɔtshi koleki wolo. Koko monga tsho la dietawɔ dia ngasɔ bu kɛnɛ kele la so ohomba dia ngɛnyangɛnya Jehowa.

Sho pombaka ndjashikikɛ dia Jehowa ekɔ, ndo nde ekɔ “ofutshi” wa wanɛ wele la mbetawɔ ka wolo. (Hɛb. 11:6) Mbetawɔ ekɔ dionga dimɔtshi dia l’olowa wa nyuma k’ekila. Nɔmbaka Jehowa, koka nkimanyiya onto dia monga la nyuma k’ekila. (Luka 11:​9, 10, 13) Yoho yoleki ya nkondja nyuma k’ekila ele, wadielo w’Ɔtɛkɛta wa Nzambi wakasambiyama. Laasɔ, sho koka nkana yimba la kɛnɛ kadiaso ndo nsala la wolo dia nkamba la kɛnɛ kekaso. Ɔnkɔnɛ, nyuma ka Jehowa kayonga la shɛngiya lo lɔsɛnɔ laso ndo kayotokimanyiya dia monga la mbetawɔ kɔngɛnyangɛnya.