Kamba la Bible oko talatala

Ombeki Jakɔba akɛdika Bible la talatala katokimanyiya dia mɛna lonto laso la l’etei k’otema. (Jak. 1:​22-25) Ngande wakokaso nkamba dimɛna la Bible oko talatala?

Adiakatɔ la yambalo tshɛ. Naka sho ndjaenda esadi esadi lo talatala, kete hatotokoka mɛna awadi amɔtshi wele lo demba diaso. Woho akɔ waamɛ mbele, naka sho mbadiaka Bible esadi esadi, kete hatotoshihodia lo awui akɔna shikaa wahombaso nsala etshikitanu. Lo dihole dia nsala ngasɔ, sho pombaka mbadiaka Bible la yambalo tshɛ.

Yasha lo awui wahombayɛ nsala etshikitanu koko aha le anto akina. Etena kendaso lo talatala, sho koka mɛna dungi di’anto wele l’ɔkɔngɔ aso ndo sho koka ndjoka washo paka lo dikɔmɔ diawɔ. Woho akɔ waamɛ mbele, sho koka mbadia Bible dia mɛna paka dikɔmɔ di’anto akina to. Koko kɛsɔ hokoka tokimanyiya dia nsala etshikitanu lo nsɛnɔ yaso.

Onga l’ekanelo ka yimba k’ɔlɔlɔ. Naka etena kendaso lo talatala ko sho mbikaka washo paka lo tɔkɔkɔmɔ tele la so tahatalange, kete sho mbeyaka nkɔmɔ. Sho pombaka monga l’ekanelo ka yimba k’ɔlɔlɔ etena kadiaso Ɔtɛkɛta wa Nzambi lo mbewɔ ndjaɔsa oko anto w’anyanya oleki woho watɔsa Jehowa.—Jak. 3:17.