Yeso ayonya wola

Lam’akinde la nkɛtɛ, Yeso akɛnya ngandji k’efula kakandookaka anto, djekoleko ase wola ndo wanɛ waki lo paa. (Mateo 9:36) Nde akakimɔ lɔsɛnɔ lande lo wahɔ w’anto akina. (Mateo 20:28; Joani 15:13) Keem’edja, nde ayanga mɛnya nto ngandji kokande anto lo nkamba la lowandji ndo la wolo ande oko wende Nkumekanga ka Diolelo dia Nzambi dia minya wola lo nkɛtɛ k’otondo.

Lo nkamba l’ɛtɛkɛta wa lɔlɛnga, Bible mɛnyaka kɛnɛ kayosala Yeso lo mbuta ɔnɛ:

• “Nde aswɛlɛ tombolambola l’atei w’anto, nde ashimbee ana w’ose wola.”​—Osambo 72:4.

Ngande wakokaso mɛnya lowando lo kɛnɛ tshɛ kambotosalɛ Yeso ndo kayondotosalɛ? Yoho mɔtshi ele lo mbeka akambo wendana la “lokumu l’ɔlɔlɔ la Diolelo dia Nzambi,” ɔsɔ mbaki losango lakandasambisha. (Luka 4:43) Adia sawo diele l’ɔtɛ a dui ɔnɛ “Diolelo diaki Nzambi kɛdikɛdi na?”