Naa djembetelo ya “nshi y’ekomelo,” kana ya “etena k’ekomelo”?

Okadimwelo washa Bible

Bible tɛkɛtaka di’akambo ndo di’awui wɛnya dia “etena k’ekomelo ka nshi,” kana dia “nshi y’ekomelo.” (Mateo 24:3, La Bible. Parole de Vie [PDV]) Bible mbelɛka etena kɛsɔ ɔnɛ “nshi y’ekomelo” ndo ɔnɛ “ntena . . . di’ekomelo.”​—2 Timɔte 3:1; Danyɛlɛ 8:19, Bible annotée.

Naa prɔfɛsiya ya lo Bible yatɛkɛta dia “nshi y’ekomelo”?

Bible tɛkɛtaka di’awui wakenga “djembetelo” ya nshi y’ekomelo. (Luka 21:7). Awui amɔtshi wakenge djembetelo shɔ vɔanɛ:

Ata wayonga l’andja w’otondo. Yeso akatatshi ate: “Wodja wayɔlɔsha wodja okina ndo diolelo diayɔlɔsha diolelo dikina.” (Mateo 24:7) Ndo Ɛnyɛlɛ 6:4 akatatshi dia mfalasa kɛmɔtshi ka didjidji kele didjidji kele l’ɔkɛndɛ wa “minya wɔladi oma la nkɛtɛ.”

Ndjala ya kasha. Yeso akatatshi dia “ndjala ya kasha . . .yayonga.” (Mat. 24:7) Dibuku di’Ɛnyɛlɔ diakatatshi di’oyelo wa mfalasa kekina kaki didjidji dia ndjala ya kasha ndo tɔ kaki didjidji ka ndjala ya kasha yayonga l’andja w’otondo.​—Ɛnyɛlɔ 6:5, 6.

Adidimu wa nkɛtɛ wa weke. Yeso akate dia “adidimu wa nkɛtɛ wayonga lo dihole la dihole.” (Mateo 24:7; Luka 21:11) Adidimu wa nkɛtɛ wa weke wakahombe mbela anto asui ndo nyɔi lo yoho yele atasalemaka ndooko lushi.

Elando. Lo ndjela Yeso, elando ndo “hemɔ ya wolo” yayonga.​—Luka 21:11, Bible. Parole de Vie.

Awui wa ngala. Kaanga mbele aya ɛnɔnyi nkama wɛnaso akambo wa ngala, Yeso akate dia lo nshi y’ekomelo, ‘ɛɔnywɛlɔ k’ɛlɛmbɛ kayofulanɛ.’​—Mateo 24:12.

Olanyelo wa nkɛtɛ. Ɛnyɛlɔ 11:18 akatatshi di’anto “wayolanya nkɛtɛ.” Vɔ wayosala dui sɔ lo toho efula, aha tsho lo tshimbo y’awui wa ngala ndo wa kɔlɔ, koko ndo lo ndanya ahole wadjasɛ anto.

Olanelo wa nkɛwɔ y’anto. Lo 2 Timɔte 3:1-4, Bible kakatshi di’anto lo tshɛ kawɔ wayoyala “akanga wa lɔhɛndɛ . . . wahalange mbokana, amamanyishi, waha la ndjakimɛ, akanga w’ekonda, waha la ngandji k’akambo w’ɛlɔlɔ, afungi, akanga w’ɛtɛ wolo, akanga wa ndjadiya.” Waonga asɔ wakahombe lo kondokondo polo lo nkonya etena “tena dia paa dia wolo mbikikɛ.”

Olanelo wa lɔsɛnɔ la nkumbo. Lo 2 Timɔte 3:2, 3, Bible kakatatshi di’anto efula wayonga anto “waha la ngandji ka lam’asa ase nkumbo” le ase nkumbo kawɔ ndo ɔnɛ ana ‘hawotokitanyiya awui w’ambutshi awɔ.’

Ngandji k’anto otsha le Nzambi kayokitakita. Yeso akate dia “ngandji k’anto efula kayɔla.” (Mateo 24:12) Yeso akalange mbuta dia ngandji k’anto efula otsha le Nzambi kayɔla. Woho akɔ waamɛ mbele, 2 Timɔte 3:4 mbutaka dia lo nshi y’ekomelo, anto wayonga “anangi w’ɛngɛnɔngɛnɔ lo dihole dia monga anangi wa Nzambi.”

Lɔkɛwɔ la dungi pende l’andjashi Nzambi. Lo 2 Timɔte 3:5, Bible kakatatshi di’anto amɔtshi wayɔsɛma dia vɔ tɛmɔlaka Nzambi, aha la vɔ nsɛna lo yoho yɔtɔnɛ l’atɔndɔ ande.

Eokelo ka dimɛna ka prɔfɛsiya ya lo Bible. Dibuku dia Danyɛlɛ diakatatshi dia lo “etena k’ekomelo,” anto efula wayonga la ewo k’efula k’akambo wa mɛtɛ wa lo Bible, mbuta eokelo k’oshika ka prɔfɛsiya shɔ.​—Danyɛlɛ 12:4.

Olimu w’esambishelo wayokambema l’andja w’otondo. Yeso akate ate: “Lokumu l’ɔlɔlɔ lɔnɛ la Diolelo layosambishama lo nkɛtɛ k’otondo.”​—Mateo 24:14.

Anto wayonga la wendjudi ndo la lɔsɔkɔ. Yeso akatatshi di’anto efula hawotodja yimba lo tolembetelo efula tɛnya dia ekomelo k’andja ɔnɛ kaya suke. (Mateo 24:37-39) Kɛnɛ koleki tshɛ kɔlɔ ele, 2 Petero 3:3, 4 a prédit que certains se moqueraient de ces preuves et les rejetteraient complètement.

Okotshamelo wa prɔfɛsiya shɔ. Yeso akatatshi dia lo nshi y’ekomelo prɔfɛsiya shɔ yakakotshama mbala kakɔ ɔtɔi, koko aha tsho prɔfɛsiya ngana tsho kana efula ka l’atei ayɔ.​—Mateo 24:33.

Onde tekɔ lo nsɛna lo “nshi y’ekomelo”?

Eelo. Awui weta l’andja ɔnɛ ndo woho wakayahɔnaka akambo wɔtɛkɛtami lo Bible mɛnyaka dia nshi y’ekomelo yakatatɛ lo 1914, ɔnɔnyi wakatatɛ Ta dia hende dia l’andja w’otondo. Dia mɛna woho wɛnya akambo wa l’andja ɔnɛ dia tekɔ lo nsɛna nshi y’ekomelo, enda vidɛo yele l’ɔtɛ a dui ɔnɛ: “Andja wakatshikitana ntatɛ lo 1914.”

Lo 1914, Diolelo dia Nzambi diakatatɛ mbolɛ l’olongo, ndo dui dia ntondo diakasale diolelo sɔ ele mbitshanya Satna Diabolo l’ɛdiɛngɛ ande oma l’olongo oya lanɛ la nkɛtɛ. (Ɛnyɛlɔ 12:7-12) Shɛngiya yele la Satana le anto koka mɛnama oma lo waonga ndo oma lo ditshelo diele l’anto lo nshi y’ekomelo diele la “tena dia paa dia wolo mbikikɛ.”​—2 Timɔte 3:1.

Anto efula wekɔ lo diɛnɛ l’ɔtɛ wa ntena dia wolo diasɛnaso. Anto wekɔ lo ndjakiyanya lo woho wataleke ndana akambo wa l’andja ɔnɛ. Anto amɔtshi wekɔ la wɔma w’ɔnɛ lushi anto wayoshilama oshiki.

Lo wedi okina, anto akina wadiɛnɛ l’ɔtɛ w’awui weta l’andja ɔnɛ wekɔ l’elongamelo di’awui wayolowana lo nshi yayaye. Vɔ wekɔ l eshikikelo dia keem’edjaj Diolelo dia Nzambi diayanga minya ekakatanu tshɛ wa l’andja ɔnɛ. (Danyɛlɛ 2:44; Ɛnyɛlɔ 21:3, 4) Vɔ wekɔ lo nkongɛ l’asolo wa lotutsha dia Nzambi nkotsha alaka ande ndo vɔ kondjaka ekeketshelo lo ɛtɛkɛta wa Yeso wata ɔnɛ: “Onto layokikɛ polo l’ekomelo mbayoshimbamɛ.”​—Mateo 24:13; Mika 7:7.