Ɛkɔkɔ wa monga l’ɔngɛnɔngɛnɔ

1. Tekɔ l’ɛkɔkɔ efula wa

Monga la ɔngɛnɔngɛnɔ.

Diangɔ dia nɛmɔ dia lo wedja

Tshɛ diek’o ndja lo tɛmpɛlɔ.

Ɔngɛnɔngɛnɔ wele la so

Mpikama lo Dui dia Nzambi.

Lɔkɔ mbetshamaso lushi tshɛ

Dia sho mbokanaka ngandji.

Ɛkɔkɔ weso l’ɔlɔ wekɔ

Mɛtɛ ɛkɔkɔ w’eshika.

Kaanga mbeso l’ekakatanu,

Jehowa tokeketshaka.

2. Sho mɛnaka elimu wande:

Ɛkɛdi, nkɛtɛ ndo loowa.

L’atotendaka diangɔ sɔ tshɛ,

Sho todidelaka nsaka.

Sho sambishaka Diolelo dia

Jehowa l’ɔngɛnɔngɛnɔ.

Tote anto tshɛ dia Diolelo

Diambotɔ dia vɔ tshɛ nkɔnɔ.

Lushi l’ɔlɔ wa pondjo lekɔ,

Lo ndjasukana esadi.

Olongo ndo nkɛtɛ y’oyoyo

Yayosha anto wɔladi.